terça-feira, 3 de janeiro de 2017

Xanana hirus membru Governu la “on time’’, Kestiona boot nia oan ba eskola deit iha rai liur

Ministru Planeamentu no Investimentu  Estrategiku (MPIE),  Kay Rala Xanana Gusmão, hirus membru Governu sira ne’ebe la on time iha festa Natal hamutuk ho labarik pre eskolar sira husi Municipiu Lautem, Manatuto ho Oecusse ne’ebe mak halibur malu iha projetu pilotu lian materna ka EMBLI.

Tuir orariu, festa Natal hamutuk ne’ebe halao iha salaun Ministeriu Negosiu Esntranjeorus no Kooperasaun (MNEK), Kuarta 28/12/2016), halao iha tuku 15.00 OTL, maibe oras to’o ona tuku 16.00  OTL mos membru Governu barak mak seidauk marka prezensa.

Iha momentu neba membru Parlamentu Nasional nain 5 deit maka foin marka prezensa husi nain 65, maibe kauze membru Governu seidauk hakat to’o iha salaun MNEK nia laran.

Ho atrazu ne’e, lider karismatiku ne’e konsidera situasaun ohin loron la’os la’o ba oin, maibe lao fali ba kotuk, tanba nunka fo importansia ba malu ba eventu ne’ebe governu rasik maka organiza.

Xanana senti triste tanba labarik sira ne’e mai husi Municipiu, ida ida sae kareta to iha Dili ne’e sira lanu, moras, laran sae no muta mais sira to iha ne’e ohin kedas ema nunka mai.

‘’Ohin ami atu tau kadeira 80 maibe hau dehan ba  alin sira ne’ebe servisu ita lalika tau to 80 tau deit 30 mos sira la mai hotu ami, ida ne’e los duni ne’e mak karik ita hein tan sira seluk festa natal ne’e to oras 18:00 OTL, mak hahu ona karik,’’ Xanana afirma.

Xanana konsidera tanba labarik sira iha ne’e le no hakerek la hatene ne’e mak membru Governu ho membru parlamentu  la fo importansia ba sira,  tanba  ne’e mak politika ida  membru Governu no membru parlamentu balun haruka sira nia oan ba estudu iha Australia ho Indonesia ne’e povu nia oan la hatene le no lahetne hakerek  ne’e ba sira laos problema.

‘’Tanba ne’e mak membru Governu balun ne’ebe mak iha ne’e no membru parlamentu balun iha ne’e reprezenta sira seluk ne’e sei la lakon animu, sei la lakon seguransa no sei la lakon vontande iha festa Natal ne’e,’’ tenik Xanana. Wainhira Ministru Senior ne’e koalia hotu tiha maka foin haree hetan Ministru balun mosu mai. nia

Jornal Nacional

1 comentário:

Marcos Limoli disse...

Marcos Limoli { Web}
Oráculo & Protocolo.
REPÚBLICA FEDERATIVA DO BRASIL.