Akordu Estradisaun, Governu Laiha Kapasidade Lori Fila Emilia

DILI - Timor Leste too oras nee seidauk halo asina akordu estradisaun ho nasaun sira seluk tan nee Sestu governu konstitusional laiha kapasidade hodi lori fila eis Vise Ministra Finansas Emilia Pirres atu kompri prosesu justisa iha Timor.

Tuir primeiru Ministru Rui Maria de Araujo katak kapasidade governu nian atu lori fila sidadaun balun neebe oras nee laiha timor leste maibe iha nasaun seluk kuandu justisa presiza atu lori fila kapasidade laiha.

Governu atu lori fila emilia iha faze ida agora dadaun nee, Governu laiha meus atu halo ida nee tamba akordu estradisaun laiha,” dehan PM Rui hodi hatan Pergunda Jornalista, Tersa (03/01/2017) wainhira halo enkontru Aberta ho medeia nasional, Iha Salaun kafetaria Palasiu Governu.

Nia hatete akordu estradisaun signifika sidadaun ruma kuandu tribunal desidi nia sala tenki tama prizaun, maibe nia laiha timor exeplu hanesan kazu Eis Ministra Finansas Emilia Pirres neebe iha Portugal Timor  tenki iha akordu estradisaun ho estadu portugues nunee Autotridade Portugues devolve nia mai timor maibe Timor Leste too agora seidauk iha akordu estradisaun  ho nasaun sira seluk.

PM Rui hatete publiku mos kestiona kona ba dupla nasionalidade neebe halo diskusaun la ho objetivu tamba iha balun koalia ema dupla nasionalidade labele asimu kargu nee sala.

Iha fatin ketak Xefi Major Falintil Forsa Defesa Timor Leste (F-FDTL) Major Jeneral, Lere Anan Timur Antes nee hatete nia parte la konkorda ho lideransa nasional balun neebe dupla nasionalidade, tanba nee konsidera  Emilia Pires sai ezemplu ona ba Timor.

Iha sorin seluk Deputadu, Jose Luis Guterres hatete hanesan sidadaun tuir lei tanba tribunal halo ona desizaun nee duni tribunal no prokurador nia knar hodi halo madatu kapturasaun nee sira mak hatene.

“Hanesan sidadaun Timor, ita tuir konstitusaun no lei, iha Tribunal halo ona dezisaun, ida nee ita simu tanba nee knar tribunal nia no prokurador nia,” dehan Jose Luis.

Nia hatete madatu kapturasaun ou detensaun nee iha parte tribunal mak hatene, tan nee husu ba Tribunal atu haree hodi koalia ho portugal liu husi Interpol maibe nudar sidadaun akompaina prosesu neebe mak lao. Timotio Gusmao

Suara Timor Lorosae