quinta-feira, 9 de fevereiro de 2017

Observadór hosi Parlamentu Europeu ba prezidensiál timor-oan to’o Díli iha findesemana ne’e

Grupu observadór hosi Parlamentu Europeu ba eleisaun prezidensiál Timor-Leste 20 fulan-marsu maka hein ona iha Díli iha fimdesemana, hatete iha ohin ba Lusa embaixadór Uniaun Europeia iha kapitál timor-oan.

"Parte bo’ot liu hosi grupu observadór 26 to’o 28 hosi Parlamentu Europeu to’o iha Díli bele iha loron 12", esplika Alexandre Leitão,  ba Lusa iha Komisaun Nasionál Eleisaun timor-oan nian (CNE).

Diplomata portugés ne’e hatete ba Lusa hafoin asina memorandu entendimentu ho prezidente CNE, Alcino Baris, ne’ebé define kondisaun nesesáriu ba realizasaun misaun observasaun nian.

Garantia, aspetu lojístiku, liberdade asesu ba prosesu hotu no apoiu autoridade sira ba observadór sai moos hanesan aspetu ne’eb’e inklui iha dokumentu kona-ba saida mkaa misaun ofisiál daualuk hosi observadára Uniaun Europeia ba votasaun iha  Timor-Leste – dahuluk  iha konsulta popular 1999 timor-oan sira  hili independénsia.
Alexandre Leitão refere  ba faktu ne’ebé UE sai hanesan únika entidade públika internasionál hetan i konvite haruka misaun observasaun ba eleisaun tinan ne’e, ne’ebé kolabora moos iha konsolidasaun " ba valór báziku" ba demokrasia no Estadu direitu.

"Iha  Timor-Leste rejistu pozitivu tebes hosi eleisaun ba nasaun joven ida  ne’ebé hahú hanesan demokrasia", nia hatutan.

"Ha’u fiar  katak eleisaun ne’e sei la’o ho forma  ezemplar liu, ne’ebé Timor kontinua sai nafatin hanesan ezemplu ida", nia haktuir.

Memorandu hanesan moos asina iha kuarta-feira ho ministru Negósiu Estranjeiru, lori naran  Governu timoroan nian.

"Kolaborasaun Uniaun Europeia nian ba observasaun eleisaun ajuda garantia efikásia ba prosesu eleitorál, hodi bele hetan apresia iha ne’e no iha internasionál", afirma Alcino Baris hafoin asina dokumentu.

Ekipa ida avansadu hosi misaun ofisiál observadór iha ona Díli hodi prepara inúsiu ba akompañamentu eleisaun prezidensiál, prevé ba loron 20 fulan-marsu ne’ebé ninia rezultadu  ikus kandidatu sei hatete  iha loron 18 fulan-fevereiru, hafoin  Tribunál Rekursu verifika kandidatura 8.

Alexandre Leitão esplika katak kona-ba eleisaun lejislativu prevé iha inísiu fulan-jullu – ne’ebé tenki aprezenta pelumenus partidu polítiku 25 – sei iha Timor-Leste entre 36 to’o   hosi observadór Parlamentu Europeu.

SAPO TL ho Lusa

Sem comentários: