quinta-feira, 16 de março de 2017

LAIHA LEI, JORNALISTA TENKI TUIR ELEISAUN IHA FATIN RESENSIAMENTU

PARTILHAR
Diretor Jeral Secretáriado Técnico Administração Eletoral(STAE), Acilino Manuel Branco, informa, laiha lei ida ne’ebé mak espesifiku ba jornalista sira  atu tuir eleisaun iha ne’ebé deit. Tanba ne’e jornalista hotu-hotu tenki ba tuir eleisaun prezidensial tuir fatin ne’ebé mak sira resensia ba.

“Ita-nia hakarak iha meius oi-oin para atu  fasilita ema hotu-hotu atu labele lakon nia direitu, so que ita hatene katak  prosesu eleisaun ne’e la’o tuir nia regalias, nia prosedimentu sira  ne’ebé mak estabelese ona, nia kuadru  legal tantu lei rasik, tantu dekretu governu ne’ebé mak aprova  kona ba prosedimentus teknikus, kona ba prosesu eleisaun. Ha’u hanoin situasaun sira ne’e labele konsidera hotu iha prosesu alterasaun lei, ne’ebé tuir lei iha deit esepsaun ba ita-nia funsionariu sira ne’ebé presta hela servisu iha ambitu eleisaun nian,”Diretor STAE, Acilino Branco ba jornalista sira iha nia servisu fatin Caicoli-Dili, Tersa (14/3/2017), hodi hatan preokupasaun jornalista sira ne’ebé kartaun eleitoral  la’os Dili nian.

Alende funsionariu STAE nomos CNE, entidades seluk ne’ebé mak lei fo dalan hodi fo nia votus iha tempu eleisaun iha kualker fatin mak pasiente (Ema moras sira) nomos prijionaeiru sira inklui PNTL nomos F-FDTL ne’ebé hala’o nia knaar nu’udar seguransa ba estasaun votus no seluk tan.

“Media no estudante sira seluk la hatete iha dekretu lei ne’ebé mak iha,  portantu media nomos estudante hanoin katak tenki ezerse nia direitu hanesan mos  eleirtoral bai-bain ne’ebé mak tenki ba tuir eleisaun iha fatin ne’ebé  mak nia rejista ba,”dehan AcilinoBranco.

Maske media hotu iha ona kartaun kredensial atu partisipa eleisaun, maibe tuir Diretor STAE katak, karta kredensial ne’ebé mak jornalista kada media hetan la’os atu fasilita jornalista vota iha ne’ebé deit, maibe oinsa atu halo kobertura ba prosesu eleisaun iha fatin ne’ebé deit.ola

Jornal Nacional Diário
PARTILHAR

Author: verified_user

Publicação luso-timorense sem fins lucrativos

0 comentários: