quinta-feira, 16 de março de 2017

Deskonfia Funsionariu Lori Kareta PN Hilux Kesi Bandeira Tuir Kampania

PARTILHAR
DILI – Reprezentante povu iha uma fukun Parlamentu Nasional (PN) kestiona makas atetude Funsinariu Publiku (FP) balun, deskonfia lori kareta PN nian kesi bandeira iha kotuk tuir kampania kandidatura Prezidente Republika.

Tuir Deputadu Bankada CNRT, Jacinto Viegas hatete katak, tuir nia observasaun jeral ba atividade kampania kandidatu prezidente republika nian durante nee funsionariu ka deputadu balun lori fali kareta meta PN nian tuir kampania.

Kareta metan, hau lakonsege hatene nia numeru maibe kareta nee parlamentu nia Hailax, halai deit iha dalan boot tula ema nee laiha buat ida maibe, kesi bandeira iha kotuk nee ladun diak. Atu kareta nee funsionariu mak lori ka, deputadu mak lori ka halai rasik,” dehan Deputadu Bankada CNRT, Jacinto liu husi sesaun plenaria iha uma fukun PN-Dili, Tersa (14/03/2017).

Deputadu Bankada CNRT, Jacinto haktuir, kareta tula ema iha dalan boot nee normal maibe, kesi fali bandeira iha kotuk nee signifika tuir atividade kampania kandidatura Prezidente Republika nian.

Iha sorin seluk, Provedor Direitus Humanus e Justisa interinu, Horacio de Almeida esplika, PDHJ hanesan instituisaun independente hatun ekipa monitorizasaun ba iha 12 munisipiu, inklui RAEOA hamutuk 63 durante halo monitorizasaun ba atividade kampania kandidatura. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: