DILI –
Parlamentu Nasional (PN) liu husi komisaun B trata asuntu Defeza Seguransa i
Negosiu Estranjeirus, husu seguransa atua esegura eventu loron rua neebe mak
iha dia 19 kalan no mos 20 de Maiu kalan, tanba eventu nee bainaka husi nasaun
atus 1 resin mak sei mai partisipa.
Informa
Deputadu Jacinto Viegas husi Komisaun B Parlamentu Nasional katak, membru
komisaun B husu ba entidade sira neebe mak kaer seguransa hanesan PNTL no
F-FDTL atu tau matan diak ba eventu boot iha dia 19 ho dia 20 neebe iha loron 2
nia laran hanesan dia 19 noa 20 de mai agora atu nunee asegura ba eventu
importante neebe mak atu halo.
Ami
husu ba parte seguransa atu asegura eventu nee atu labele akontese buat ruma
iha eventu nee. Tanba eventu nee prezensa husi nasaun vizinu sira sei mai barak,
atu nunee Timor nia naran morin lori ba oin nafatin,” katak Deputadu Jacinto ba
jornalista Kinta (18/05/2017) iha uma Fukun Parlamentu Nasional.
Nia
hetete,tuir informasaun neebe mak sira simu husi Ministeriu Negosiu Estranjeiru
mai informa katak nasaun atus ida resin mak sei mai, hanesan Australia, Correa,
Cina no seluk tan, kona ba lista nee sira seidauk simu foin iha
informasaun husi, maibe lista nee orsida mak sira foin lori mai mak bele hatene
los-los nasaun sira neebe mak atu mai.
Iha
fatin hanesan, Deputadu David Dias Ximenes husi komisaun B katak, PNTL ho
instansia sira neebe responsabiliza ou veinkula aan iha seguransa interna
nian hanesan PNTL, tantu servisu informasaun PNTL nian, servisu
informasaun estratejika sira iha responsabilidade tomak atu asegura ita nia
eventu boot iha neebe atu halo iha dia 20 Maiu. Guilhermina Franco /
Jacinta Sequeira
Suara
Timor Lorosae
Sem comentários:
Enviar um comentário