DILI,
(TATOLI) – Kapasidade lideransa saudozu, Fernando Araújo Lasama iha
mandatu sestu governu kontinua konta hosi Primeiru Ministru, Rui Maria de Araújo.
“Ha’u
hakarak dedika kondekorasaun kolega membru governu sestu governu
konstituisionál ba esforsu tomak servisu nu’udar ekipa durante tinan rua ho
balun inklui saudozu Fernando de Araújo Lasama hahú kedas iha sestu governu sai
parte hosi ekipa ida ne’e maske la to’o rohanʺ, katak Xefe Governu liuhosi konferènsia imprensa iha Palàsiu
Governu, hafoin simu kondekorasaun Grau Colar Ordem hosi Prezidente Repùblika,
Taur Matan Ruak, ohin.
Kondekorasaun
simu tanba apoiu no kolaborasaun servisu hosi estrutura sestu governu,
funsionariu Gabinete PM, servisu administrasaun pùblika hodi implementa
polìtika governu durante tinan rua ho balun.
“Agradese
espesiàl ba lider partidu Fretilin ho sira nia polìtika visionaria iha
konferènsia nasionàl 2014 permite ha’u hodi partisipa iha prosesu governasaun
hanesan ema individu la’òs reprejenta partidu”, katak tan.
Hodi
hatutan; “Ikus liu ba Prezidente CNRT, Xanana Gusmão ne’ebè ho laran luak hodi
deside ses hosi kintu governu loke dalan ba sestu hovernu hodi konvida atan
ha’u lidera”.
Dehan
tan, sei estuda mekanismu balun hodi rai kondekorasaun ne’e ba estrutura sestu
membru governu hotu.
Jornalista:
Agapito dos Santos | Editora: Rita Almeida
Foto:
Primeiru Ministru, Rui Maria de Araújo halo intervista ho jornalista sira iha
Palásiu Governu. Foto GPM
Sem comentários:
Enviar um comentário