segunda-feira, 8 de maio de 2017

Tribunal Sei Prioritiza Inspeksaun Juiz

PARTILHAR
DILI – Presidente Tribunal Rekursu Deolindo dos Santos dehan oras nee nia sei prioritiza ba kestaun inspeksaun, atu nunee bele halo inspeksaun ba Juiz sira hodi bele iha promosaun ba juiz sira no mos halo movimetasaun iha Juiz sira.

Ita iha ona kolega juiz nain rua neebe maka halo ona knar iha tribunal rekursu hosio halo inpeksaun ba ita juis sira atu nunee bele halo promosaun ba Juiz sira no mos halo movimetasaun iha Juiz sira hodi nunee bele halo servisu ho diak atu bele fo garantia seitor judisiariu ho siak liu tan,” dehan Presidente Tribunal Rekursu Deolindo dosba jornalista sira hafoin remata enkontru ho Presidente Republika Taur Matan Ruak iha Palasiu Presidensial, Aitarak Laran Segunda (8/5/2017).

Nia dehan oras nee inspektor nain rua hahu ona servisu hamutuk ho konsellu magislatura judisiariu, atu bele hare ba kestaun hirak refere hosi bele tau matan ba juiz sira iha tribunal rekursu, tantu iha tribunal distrital sira par abele atinji buat hirak nee.

No ho ida nee nia parte mai halo enkontru ho PR Taur atu koalia konaba servisu Tribunal, neebe maka durante nee lao la iha kestaun espesifikamente neebe maka aborda iha sorumurtu nee, maibe informa deit konaba servisu tribunal.

Hatan ba Partidu Esperansa Patria (PEP) nia estatutu neebe maka oras nee ladauk los, Deolindo hateten klaru oras nee PEP rejistu iha Tribunal Rekursu, no oras nee partidu neebe maka rejistu iha tribunal hamutuk tolu nulu resin ida. Natalino T.da Costa

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: