Familia Matebian Tiago Husu MP Investiga Oknum PNTL

DILI – Relasiona konfrontus entre joven sira iha area Bebonuk, rezulta joven ida ho naran kompletu, Tiago Inacio Coelho mate tanba hetan tiru, deskonfia husi bala musan oknum Polisia Nasional Timor Leste (PNTL) sira nian.

Tuir Portavoz Familia Vitima, Januario Moniz hatete katak, hanesan familia matebian kondena hahalok inresponsabilidade ba aktus oknum PNTL hodi hamate matebian Tiago Inacio Coelho.

Ami ezije ba Ministeriu Publiku (MP) hodi halo investigasaun kelan ba membru PNTL refere,” dehan Portavoz Familia Vitima, Januario liu husi konferensia imprensa neebe mak halao iha aldeia Faularan, Bebonuk-Dili, Segunda (08/05/2017).

Portavoz Familia Vitima, Januario haktuir, husu mos ba PNTL atu haree no koalia hodi salva guarda povu no juventude nia vida nudar sidadaun tanba nee sira kondena makas ba aktu neebe oknum PNTL halo hodi hamate Tiago.

Iha fatin hanesan, Aman Matebian, Antonio Dias Coelho esplika, hanesan aman sente laran kanek tebes ho hahalok oknum PNTL neebe deskonfia tiru mate nia oan mane. Aman Matebian sujere ba estadu presiza haree problema nee seriu tanba ema neebe mak lasala bele tiru mate, wainhira fila husi servisu fatin ho foer lansung han ho bala musan. Raimundo S. Fraga

Suara Timor Lorosae

LEE LIU SUARA TIMOR LOROSAE