Provoka Malu Entre Militante Parpol, Potensial Konflitu Iha Elpar

DILI - Organizasaun Naun Governamental (ONG) Belun halo ona estudu previa ida katak, Eleisaun Parlamentar (Elpar) mai nee sei iha potensialidade atu hamosu konflitu.

Tuir Diretora Interina Belun, Maria Marilia X. C. de O. da Costa hatete katak, fulan kotuk liu ba hatudu katak eleisaun prezidensial ladun iha problema maibe eleisaun parlamentar mai sei mosu problema tanba partidu barak provoka malu entre militantes hamosu konflitus.

Konflitu neebe mak sei akontese tuir komunidade nia hanoin potensial iha eleisaun parlamentar mak provoka malu,” dehan Diretora Interina Belun, Maria ba jornalista sira hafoin remata seminariu neebe halao iha Hotel JL Vila, Segunda (08/05/2017).

Diretora Interina Belun haktuir, iha tinan 2012 kazu sira nee akontese ona iha eleisaun parlamentar liu ba, maibe tinan ida nee bele mos akontese tan tanba tanba partidu barak. Maria Haklaken, presiza antisipa atu nunee kazu sira nee labele akontese tan ho maneira sira neebe Belun halo mak sosializasaun hamutuk ho rede prevensaun konflitu iha munisipiu sira.

Iha fatin Prezidente CNE, Alcino Barris esplika, CNE hanesan orgaun eleitoral oras nee identifika ona katak eleisaun parlamentar ho intensidade makas liu duke eleisaun prezidensial. Raimundo S. Fraga

Suara Timor Lorosae