quinta-feira, 1 de junho de 2017

Tribunál Absolve Jornalista Oki-Lorenço

PARTILHAR

DILI, (TATOLI) - Tribunál Munisipiu Dili liuhosi julgamentu, ne’ebé prezide hosi juis singular Patrocinio Antonino, iha Kinta, (01/06) diside absolve Jornalista Raimundo Oki ho Lorenço Vicenti Martins hasoru eis asessor Ministériu Finansas, Rui Maria de Araújo (atuál Primeiru Ministru) tanba konsidera akuzasaun Ministériu públiku la priense elemento krime.

Juis Patrocinio Antonino deklara, hafoin estuda kazu, Tribunál prova katak, Lorenço Vicenti Martins nu’udar diretór Jornal Timor-Post (momentu públikasaun) no Raimundo Oki, nu’udar Jornalista Timor-Post, iha kazu públikasaun notisia Timor Post ne’ebé konsidera erru hatudu katak iha duni tentativa hodi konfirma no prova katak Timor-Post halo koresaun.

Enkuanto akuzasaun Ministériu públiko (MP) inklui lezado Rui Maria de Araújo la aprejenta faktus sufisiente hodi kondena Raimundo Oki ho Lorenço Martins ho krime dinunsia calunioza, artigo 285 Codigu Penal ne’ebé hatete arguido sira halo dinunsia ho konsensia no nia aplikasaun ba kastigo tinan rua ou multa.

“Tribunál konsidera akuzasaun Minsitériu públiku la priense elementu krime tuir artigo 285 codigu penal katak, arguido sira iha konsensia hodi halo públikasaun falsu, la iha dokumentus ruma bele prova tanba ne’e tribunal diside absolve,” Juis Patrocinio Antonino diside.

No husu ba parte sira ne’ebé iha intreses ba kazu ne’e hanesan ministériu públiko ho advogadu arguido sira nia bainhira la konkorda ho desizaun Tribun’al Munisipiu Dili, bele halo rekursu tuir lei haruka.

Desijaun juis ne’e halo jornalista atus ida resin ne’ebé mak akompaña prosesu hodi fó solidaridade ba jornalista Raimundo Oki ho Lorenço Vicenti Martins hosi nasionál tantu internasionál basa liman ba desijaun no hahú fó parabens ba malu liu-liu fó parabens ba arguido nain rua.

Iha fatin hanesan antes hahú julgamento Juis Patrocinio Antonino, klarifika mós ba públiko katak, iha kazu jornalista nain rua nian, ho eis assesor ne’e tuir lolos lezadu la bele haruka karta hanesan iha loron, 30, Maiu, ba Tribunál Munisipiu Dili, bazeia ba etika tribunál nian.

“Haruka karta mai orsida públiku bele konsidera desijaun ne’ebé Tribunál hola tanba bazeia ba karta lezadu, ne’e tuir etika la bele,” juis Ivan lamenta.

No husu atu públiko hatene katak Tribunál hola desijaun ba kazu ne’e la halo tuir lezadu nia hakarak.

Entertantu nu’udar juis ba prosesu NUC :0112/16.PNSIC mak Juis Patrocinio Antonino rasik, parte Ministériu Públiko, Lidia Soares no advogado ba arguido sira mak, José Camoes ho Arlindo Sanches.

Ekipa Redasaun

Foto: Raimundo Oki ho Lorenço Vicenti Martins tur hein desijaun. Foto TATOLI
PARTILHAR

Author: verified_user

Publicação luso-timorense sem fins lucrativos

0 comentários: