FRETILIN Halo Palestra Ho KIESP-TL

DILI – Partidu FRETILIN halo palestra public konaba Dezemvolvimentu ekonomiku social merkadu Timor Leste ho Klibur Instituisaun Superior Privadu Timor Leste (KIESP-TL), iha salaun Delta Nova, Dili.

Iha diskursu Sekertariu Jeral Partidu FRETILIN atual Prezidente da Autoridade da RAEOA-ZEESM TL Mari alkatiri hateten, ZEESM nee hanesan programa pilotu ida, ba politika ke aban bainrua bele aplika iha nivel nasional, politika ho planu de ekonomia social de merkadu ba nivel nasional.

Tanba saida hau hahu iha Oecusse, tuir lolos tama ona Atauro, maibe seidauk tanba estatutu estatutu Administrativa Atauro nian seidauk define didiak, Governu ho Parlamentu maka tenke define didiak,” dehan Sekjer Partidu FRETILIN Mari, iha salaun Delta Nova, Tersa (18/07/2017).

Sekjer Partidu FRETILIN Mari hateten, hahu husi Oecusse rajaun konstitusional ida, ke hotu hotu hatene ho Atauro konstituisaun rasik maka dehan, Oecusse ho Atauro nee bele iha estatutu espesial ida Administrativu patermonial ekeonomiku Oecusse, I da estatutu espesial ekonomiku Atauro.

Iha fatin hanesan Reitor IOB Ausguto Soares senti kontenti teb tebes, tanba ita boot bele marka presenza hamutuk ho ami. Timor Leste ita hotu hatene katak, orsamentu jeral estadu nee depende deit ba mina, tanba nee ami hotu hotu senti katak dotour Mari Alkatiri neebe ita hotu koinese ema neebe matenek teb tebes, tanba nee maka ita konvida dotour Mari mai iha fatin ida nee ,” dehan Agusto.

Entretantu Crista Alves Sarmento hanesan estudante DIT hateten Prezidente Autoridade nia hare ba rekursu humanus neebe atu investe iha merkadu hanesan enclave Oecusse, iha ka lae fatin ba estudante neebe maka akaba ona sira nia estudu, atu bele investe iha fatin refere ka lae. Carme Ximenes/ EST2

Suara Timor Lorosae