PLP Defende Modelu Governasaun Kiik Integradu

DILI – Wainhira povu fo konfiansa ba Partidu Libertasaun Popular (PLP) neebe lidera husi Eis Prezidente Republika, Taur Matan Ruak mak sei depende modelu Governasaun ida kiik no integradu.

Tuir Prezidente Komisaun Fiskalizasaun Partidu PLP, Azevedo Marçal katak, PLP ninia prinsipiu politika defende Governasaun kiik no integradu, nee tanba mai ho hanoin no hakarak ida katak atu aselera dezenvolvimentu.

Ami nia preferensia modelu Governasaun foun mai nee mak modelu Governasaun ida kiik no integradu,” dehan Azevedo ba STL iha salaun Laline-Larigutu, CNE, Caicoli-DILI, Tersa (18/07/2017).

Azevedo haktuir, hakarak ida katak atu aselera dezenvolvimentu iha prosesu diversifikasaun ekonomia husi seitor petroliferu ba seitor naun petrolifeiru hanesan, agrikultura no turismu. Nia dehan, PLP ninia politika karik hetan konfiana husi povu mak sei aseleira prosesu diversifikasaun fahe rekursu hanesan, fahe oportunidade hanesan, diskriminasaun lae, entaun Governu tenke mai refleta duni saida mak vizaun husi PLP ninia.

Iha fatin hanesan, Observador politika-UNTL, Camilio Ximenes Almeida dehan, hanesan akademika ninia preferensia modelu Governasaun foun nee kiik mak diak liu. Raimundo Sarmento Fraga

Suara Timor Lorosae