domingo, 6 de agosto de 2017

Xina inaugura iha Horn of Africa baze militar dahuluk iha estranjeiru

PARTILHAR
Iha loron-tersa ne'e Xina loke tuir dalan ofisial nia baze militar dahuluk iha estranjeiru, iha djibuti, iha Horn of Africa, iha loron ne'ebé Ezérsitu Libertasaun Popular nian (ELP) selebra tinan 90, informa hosi imprensa ofisial.

Ekonomia boot daruak iha mundu, hafoin Estadus Unidus, no nasaun ne'ebé iha populasaun boot liu iha planeta, Xina laiha prezensa militar permanente ida iha estranjeiru dezde Funu Koreia nian (1950-1953).

Inaugurasaun hosi baze militar iha Djibuti sei serve hodi apoia misaun antipirataria sira, hosi manutensaun dame nian no asisténsia humanitáriu iha Áfrika no iha Ázia Osidental, haktuir hosi Pekin.


Autoridade sira inaugura ona instalasaun sira ho serimónia ida ne'ebé iha prezensa hosi ema na'in 300 resin, entre sira maka ministru Defeza hosi Djibuti no subkomandante hosi Armada xineza Tian Zhong, haktuir hosi Diáriu Povu nian, jornal ofisial hosi Partidu Komunista xinés nian.

Repúblika Djibuti situa iha súl hosi tasi mean, iha Horn of Africa, entre Eritreia, Etiópia ho Somália.

Inaugurasaun hosi baze militar estratéjiku akontese iha loron hanesan ho tinan 90 hosi ezérsitu xinés nian.

Durante diskursu ida ne'ebé halo iha loron-tersa ne'e iha Palásiu Boot Povu nian, relasionadu ho loron ne'e, Prezidente xinés, Xi Jinping, hatete ona katak Pekin "nunka invade nasaun sira seluk", maibé "prontu atu luta hasoru invazasaun estranjeiru ruma".

Xi afirma ona katak ezérsitu devolve ona ba Xina dignidade hanesan poténsia boot ida.

Abertura hosi baze iha Djibuti hatudu mós expansaun ne'ebé maka Forsa Armada xineza iha, akompaña ho aumentu hosi influénsia Xina nian iha kontinente afrikanu.

Nasaun aziátiku hanesan parseiru komersial prinsipal Áfrika nian ne'ebé importa parte barak hosi matéria-prima sira ne'ebé presiza.

Hahú hosi Xi Jinping nia poder, Xina hili ona polítika externa ne'ebé asetivu tebes, liuliu ho fundasaun hosi banku internasional foun ida no lansamentu hosi planu boot ida ba infraestrutura sira, ho naran Rota Seda Foun no ne'ebé hakarak ativa fali dalan komersial antigu entre Xina ho Europa liuhosi Ázia Sentral, Áfrika ho sudeste Aziátiku.

Iha tinan hirak ikus ne'e, Pekin reklama mós kuaze hosi totalidade hosi Tasi Súl Xina nian, ne'ebé harii ona illa artifisial sira ne'ebé bele simu instalasaun militar sira iha resife sira ne'ebé disputa hosi nasaun viziñu sira.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: