Dignifika Saudosu Nicolau, Lú Olo Kuda Ai Oan iha Jardin Herois Metinaro

METINARO - Atu dignifika herois Timor-Leste nian Nicolau dos Reis Lobato neebe maka liu husi ninian desikasaun korajen ba luta libertsaun nasional Timor-Leste nian, maka Prezidente Republika Francisco Guterres Lú Olo kuda ai oan iha jardin dos Herois Metinaru.

Tuir Lú Olo katak Prezidensia Repbublika liu husi governiu hamutuk ho komisaun homenzen organiza kuda ai oan iha jardin do herois Metinaru, atu simboliza memoria no korajen nunee mos hanesan soldadu sira neebe maka nian restus mortais iha jardin herois Metinaro.

“sira luta sira mate maka ohin loron ita hetan independensia no tramite ba jerasaun sira katak liu husi sira nian mate ida nee sira entrega mai iha ita nia liman ita tenke manifesta hodi hatudu  baoa vontade para atu bele servisu hamutuk dezemvolve ita nia rai no fo moris diak ba ita nian povu,” dehan PR Lú Olo liu husi nian intervista ba jornalista sira bainhira partisipa aktividade kuda ai oan iha Jardin dos Herois Metinaro neebe neebe maka organiza husi Prezidensia Republika, Kinta (28/12/2017).

Prezidente Republika Francisco Guterres Lú Olo neebe maka akompania husi Xefe Kaza Sivil Francisco de Vasconceilhos no Xefe kasa Militar Koronel Maucalo, Prezidente Komisaun Homenajen Alin Laek, kuda ai aoan neebe maka ekipa Prezidente Republika prepara.

Alem ida nee partisipa iha aktividadekuada ai oan neebe maka halao iha jardin dos Herois Metinaru nee hetan partisipasaun adjuntu komadante munisipiu Dili, superirntidente asistente Eucluides Belo.

Ai oan neebe maka kiuda iha jardim metidaru nee iha aioin tolu maka ai safit Etapan no ai kakeu neebe maka kuase 184.

Natalino Costa | Suara Timor Lorosae

Imajen iha reportajen GMN TV – Jornal Nacional