DILI - Bainhira natal hamutuk ho
jornalista sira iha rezidensia Farol, Primeiru Ministru Mari Alkatiri hateten,
Media importante tebes, tanba media bele sunu no media mos bele hamata ahi.
Ho esperensia tinan 15
restaurasaun independensia ita hotu aprende buat barak, ita hotu hakarak halo
sasan diak liu tan ho interasaun entere sosiadade ho ukun nain sira, hotu hotu
hatene katak media nee importante tebes, media bele sunu, no media mos bele
hamate ahi,” dehan PM Mari, iha diskursu, bainhira selebra natal hamutuk, ho
jornalista sira, iha Rezidensia Farol, Kuarta (27/12/2017).
Iha biban nee Xefi Governu mos fo
obrigadu ba media espesialmente iha selebrasaun natal hamutuk, tanba tuir Xefi
Governu iha situasaun foun ba nasaun Timor Leste. Tanba nee Xefi Governu dehan,
jornalista sira nia responsabilidade boot, jornalista sira maka lor loron hatun
mensajen ba povu, no sira maka lor loron iha kontaktu direita ho povu.
Xefi Governu husu ba jornalista
sira kontinua nafatin ba ho sentidu kritiku, maibe kontinua nafatin ba
partisipa atu lori povu hakmatek. Entretantu Xefi Governu mos dejeisa tinan
foun ba jornalista hotu.
Iha fatin hanesan Ministru Estadu
no Ministru Rekursus Minerais Mariano Assanami Sabino hateten media maka fatin
uniku tau hodi diskute.
Partisipa iha selebrasaun nee
maka hanesan, Sekertariu Estadu Komunikasaun Sosial Matias Voavida, media nain
sira neebe maka ejiste iha rai laran, jornalista no funsionariu sira neebe maka
servisu iha gabinete Primeiru Ministru.
Carme Ximenes/Maria Lay | Suara
Timor Lorosae
Sem comentários:
Enviar um comentário