VII Governu Halo Jestaun To Governu Foun Mosu

DILI – Karik iha desizaun ruma akontese depois Prezidente Republika Francisco Guterres Lú Olo hasai, maka VII Governu Konstitusional nee sei halo jestaun hanesan jestor Estadu nian, to Governu foun mosu.

Xefi bankada Fretilin Francisco Miranda Branco hateten, iha konstituisaun Prezidente Republika so bele hasai desijaun ruma konaba disolusaun Parlamentu Nasional so akontese depois de fulan neen tomada de pose Governu, konta husi eleisaun jeral Jullu to Janeiru.

“Ida nee ita konstituisaun maka prevei laos dehan atu dehan Governu nia tempu, se karik desizaun ruma akontese depois PR hasai Governu ida nee mos sei halo jestaun, hanesan jestor ba Estadu nee funsiona to Governu foun mosu,” dehan Branco, ba STL, iha PN, Dili, Kuarta (27/12/2017).

Tanba nee deputadu Branco hateten, Prezidente Republika Francisco Guterres Lú Olo maka sei hatene, saida maka Xefi Estadu sei atu halo liu husi prosidimentu legais Konstitusionais. Depois de konsulta konsellu estadu hanesan atu fo opinuan ba Xefi Estadu hafoin desizaun tomak iha Prezidente Republika nia knar atu hasai desizaun.

Iha fatin hanesan Xefi bankada PD Maria Teresa Gusmao hateten, Laiha rajaun husu Prezidente tenke hasai lalais ba desizaun ida nee, tanba laiha rajun ke Governu monu, situasaun lao hanesan bain bain hela Orsamentu Ratifikativu ho programa primeiru maka kaduka hela, maibe sei tempu atu hato programa ba bad ala rua, no mos Orsamentu Jeral Estadu.

Entretantu membru PN husi bankada CNRT deputadu Natalinno dos Santos hateten “Orsamentu Ratefikativu ajustamentu Orsamentu 2017 agora ba oin Janeiru 2018, tenke lori Orsamentu Jeral estadu mai, tanba siklu ita nia orsamentu nee husi 31 de Dezembru ba to iha Janeiru,” dehan deputadu Natalino. 

Carme Ximenes | Suara Timor Lorosae