DILI, (TATOLI) – Xefe Estadu
Maiór FALINTIL-Forsa Defeza Timor-Leste, Majór Jenerál Lere Anan Timur,
hateten tinan foun 2018 sei lori nafatin pás, estabilidade ba povu no lideransa
sira hodi dezenvolve Nasaun no povu nia moris di’ak.
Lere Anan hato’o asuntu ne’e hodi
espresa ninia sentimentu ksolok tanba povu no lider sira iha ona maturidade
polítika hodi garante estabilidade durante festa Natal.
“Ha’u fó ha’u nia mensajen Natal
ne’ebé liu ona no tinan foun ba ita nia povu, ba ita nia lideransa iha
tinan foun 2018, ita nia hakarak maka lori matenek, haksolok, iha dame no domin
nia laranʺ, dehan ba jornalista sira iha
salaun Don Bosco Dili, ohin.
Tuir relatóriu la nota konflitu
boot ne’ebé maka mosu durante festa Natal iha teritoriu laran, maske líder
partidu polítiku sira nafatin iha diferensa hanoin.
ʺTinan
foun situasaun sei la’o di’ak nafatin maske arte marsiál ka ema hemu tua lanu
maka baku malu ne’e la’ós problema ba ami, maibé ne’e problema normál no ha’u fiar
ita nia povu iha ona maturidade polítikaʺ,
tenik.
Jornalista: Agapito dos Santos | Editora:
Rita Almeida
Imajen: Xefe Estadu Maior F-FDTL,
Majór Jenerál, Lere Anan Timur bainhira ko'alia iha kongresu daruak komité 12
Novembru iha loron dahuluk (segunda, 7/11) ne'ebé hala'o iha Sentru Konvensaun
Dili. Foto António Goncalves
Sem comentários:
Enviar um comentário