Governu australianu rekomenda
ona, iha loron-tersa ne'e, ba nia sidadaun sira hodi aumenta kuidadu sira
durante períudu eleisaun lejislativu antesipadu iha loron-sábadu, iha
Timor-Leste, hanesan ezemplu bainhira halo viajen kalan dook hosi kapital.
Rekomendasaun halo iha avizu
badak ida ne'ebé fó sai hosi Departamentu Negósiu Estranjeiru australianu,
ne'ebé rekorda katak, iha eleisaun anterior sira, rejista ona "insidente
lokalizadu sira" iha munisípiu sira Díli, Baucau, Viqueque ho Ermera.
"Tenki iha kuidadu antes,
durante no hafoin eleisaun sira. Monitoriza media sira hodi akompaña
dezenvolvimentu ikus sira no tuir instrusaun sira hosi autoridade lokal
sira", refere hosi avizu ne'e.
"Evita lori karreta iha
kalan dook hosi Díli. Funsionáriu australianu sira labele lori karreta dook
hosi Díli iha kalan", subliña.
Avizu ne'e halo maski kampaña,
ne'ebé hotu iha loron-kuarta, la'o kuaze lahó insidente todan sira, ho xoke
balun entre militante sira hosi partidu sira iha leste nasaun nian, ne'ebé halo
ona ema balun kanek kmaan no pelumenus kaer ema ida.
Iha fulan-Abril nia rohan,
embaixada Portugal nian iha Díli alerta mós ema portugés sira iha Timor-Leste
ba risku ruma relasionadu ho eleisaun lejislativu antesipadu iha loron 12 Maiu
iha nasaun no rekomenda ona hodi evita eventu polítiku sira.
Alerta sira halo iha nota ida
ne'ebé haruka hosi embaixada ba sidadaun portugés sira, halo hamutuk ho
rekomendasaun sira seguransa nian kona-ba períudu eleitoral ne'ebé hala'o
daudaun.
Dokumentu refere "potensial
risku" balun relasionadu ho eleisaun iha tinan ne'e, liuliu "konflitu
entre simpatizante sira hosi partidu polítiku sira (...), entre grupu
organizadu deskoñesidu sira" ka entre "grupu arte marsial sira".
Eleitor timoroan sira vota iha
loron 12 Maiu hodi hili deputadu na'in 65 ba Parlamentu Nasional ho kampaña
eleitoral halo to'o loron-kuarta ne'e.
Entre rekomendasaun sira ne'e,
embaixada hatete ba sidadaun sira hodi labele partisipa iha eventu polítiku
sira no tenki "evita área sira no dalan sira ne'ebé previstu hala'o eventu
polítiku sira", hodi respeita karavana partidáriu sira no hein
"hakmatek nia pasajen lahó manifestasaun apoiu ka dezagradu".
Bainhira lahó intensaun
"envolve iha eventu polítiku ida, mantén kalma no tenta sai lalais hosi
fatin akontesimentu", respeita nafatin propaganda eleitoral.
Rekomendasaun sira seluk maka
informa belun sira bainhira hala'o viajen dook hosi área rezidénsia, halo
viajen ho dokumentasaun no verifika kondisaun karreta nian.
SAPO TL ho Lusa
Sem comentários:
Enviar um comentário