quinta-feira, 10 de maio de 2018

Partisipasaun Popular iha Festa Demokrátika

PARTILHAR
Roger Rafael Soares * | opinião

Finalmente ita To´o ona loron ikus ba Eleisaun Antisipada. Loron ida ne´ebé desijivu tebes ba povu, iha ne´ebé, povu maka  sei determina no desidi rezultadu husi atu ida ne´e.

Votu konstitui instrumentu demokratiku ida, liu husi ne´ebé, povu bele eleje ninia representantes. Ita bele afirma, liu husi forma ida ne´e, katak eleisoens konstitui, laos deit, momentu ás ba demokrasia iha ita nia rain, maibe nia mos, konstitui exersisiu boot iha partisipasaun popular.

Votu mos konsidera nudar instrumentu ba soberania popular. La impede atu afirma importansia husi tomada de konsiensia iha exersisiu husi votu.

Iha kualidade nudar eleitores, timoroan ida idak, tenki iha konsiensia husi ninia importansia nudar ajente politiku iha sosiedade. Eleitores hotu hotu tenki eh presiza partisiapa, ho forma ativa, iha Eleisaun Antispiada ida ne´e, bazeia ba konsiensia programátika ne´ebé sira akiji iha programas ne´ebé aprezenta husi Partidu Politku sira -  no asaun ne´ebé aprezenta mos husi Autor Politiku sira - durante kampanha eleitoral.

Laos sidadaun timoraon kompletu, wainhira so hatene exije deit direitu, maibe la partsisipa iha tomada de desizaun popular, nudar obrigasaun civika, ne´ebé desijivu tebes iha determinasaun ba ita nia futuru komum, nudar Povu no nudar Nasaun.

Ita laos deit feto eh mane, ne´ebé kompoen iha ita nia sosiedade, timorense. Ita hotu mos nudar ajentes sosiais no politikus, ne´ebé dispoen meius no instrumentus, liu husi exersisiu husi votu, iha partisipasaun iha ita nia vida politika, hodi eleje ita nia reprezentantes ne´ebé ita hakarak atu kaer ukun no dezenvolve ita nia rain Timor Loro Sae.

Tambá ida ne´e, mai ita hotu, nudar  sidadaun timoroan exemplar, partisipa iha exersisiu síviku ida ne´e, iha loron 12, fulan maiu, tinan 2018, hodi fo ita nia votu atu kontribui haburas, habelar, haklean, haboot no habokur ita nia demokorasia iha ita nia rain doben, Timor Loro Sae.

Viva Demokrasia!
Viva Timor Loro Sae!
Viva Povo Timor Loro Sae!

*Rojer Rafael Tomás Soares, Ailili, Manatuto, rrtsoares@hotmail.com
PARTILHAR

Author: verified_user

Publicação luso-timorense sem fins lucrativos

0 comentários: