ILI - Lezada ho inisial GM
hanesan feen, deklara iha tribunal hakarak fahe malu ho arguidu ho inisial AC
hanesan nia laen, tanda durante forma uma kain, ho arguidu sente moris la
hakmatek.
Tuir akuzasaun husi Ministeriu
Publiku neebe tribunal lee sai katak, arguidu ho lezada moris hamutuk hanesan
fen no laen, iha tinan 2012 no kaben ona iha Igreja.
Arguidu hanesan autor material ba
krime violensia domestika ho forma ofensa integridade fisika simples neebe
previstu iha artigu 145 kodigu penal, no lei violensia domestika numeru
07/2010.
Hatan ba akuzasaun nee, arguidu
deklara katak faktus balu loos no balu lalos.
“Hau la baku lezada, ami diskuti
malu nia sai ba iha liur hakilar, nee mak hau mos tuir sai ba, hodi dada tiha
lezada tama ba iha uma laran. Hau basa lezada, tanba nia lori fali tudik ida
sona hau, nee mak hau nervoju hodi basa,” deklara arguidu iha sala julgamentu.
Nia katak tan, arguidu sei hadomi
lezada, tanba nee arguidu hakarak moris hamutuk nafatin ho lezada, tanba sira
kaben ona iha Igreja.
Iha fatin hanesan, lezada hatete,
durante nee arguidu sempre baku lezada, iha lezada nia familia sira nia oin.
Audensia julgamentu nee, prezide
husi juis singular Maria Modesta, Ministeriu Publiku reprezenta husi Prokurador
Nelson Caravalho, arguidu hetan asistensia legal husi advogadu estajiadus.
Notisia kompletu lee iha jornal
STL edisaun Kuarta, (20/06/2018)
Terezinha De Deus | Suara Timor
Lorosae
Sem comentários:
Enviar um comentário