Papua Nova-Guiné deklara ona
estadu emerjénsia iha provínsia Southern Highlands hafoin revolta sira ne'ebé
maka akontese iha inséndiu hosi aviaun ida ho pasajeiru sira, hosi tribunal ida
no hosi rezidénsia governador lokal nian, fó sai iha notísia hosi ajénsia
France-Press iha loron-segunda ne'e.
Tuir polísia lokal, ema sira
ne'ebé revolta halo asaun hasoru desizaun judisial ida ne'ebé rejeita ona
petisaun ida hodi protesta ba vitória hosi governador provínsia nian, William
Powi, iha eleisaun tinan 2017 nian.
Primeiru-ministru Peter O'Neill
dekreta ona estadu emerjénsia iha loron-sesta, ba períudu ida fulan sia, no
suspende ona kbiit sira hosi governu lokal.
"Provínsia fila fali ba
normal iha loron-segunda ne'e", nia afirma no haktuir hosi Jornal Post
Courier iha edisaun loron-segunda nian, hodi esplika katak insidente sira
akontese "liuliu tanba frustasaun".
"Laiha ema ida maka aas liu
lei no ema sira hotu ne'ebé maka envolve bele hetan kastigu sira ne'ebé todan
tebes", nia adianta.
Durante revolta, domisíliu hosi
governador provínsia nian, Tribunal Mendi nian no mós aviaun ida hosi kompañia
nasional Air Niugini hetan sunu, maibé laiha vítima sira.
SAPO TL ho Lusa
Sem comentários:
Enviar um comentário