DILI, (TATOLI) - Motorista
mikrolete 05, 06 no 07 halo asaun greve hodi la tula pasajeiru tanba pasajeiru
selu osan la tuir tarefa ne’ebé fó sai ona husi Diresaun Nasionál Transporte
Terrestre (DNTT) nune’e husu parte kompetente atubele fó solusaun.
Porta vóz motorista 05, 06, 07,
Silvino do Nascimento Silva, hatete nia parte hasoru tiha ona komandante
tránzitu munisípiu Dili nune’e husu sira atu bá de’it iha DNTT tanba sira mak
iha liu kompeténsia hodi ko’alia kona-ba transporte nian.
“Hotu-hotu selu ladi’ak,
estudante ne’e ami hatene selu sentavu 15, mas balun la hatais farda nia tun
selu sentavu 15, balun mai tun iha edifísiu nian oin mós selu mak sentavu 15 no
dala ruma na’in-tolu quarter”, Silvino kestiona iha Merkadu Lama, ohin,
bainhira halo hela asaun greve.
Tanba ne’e sira ladún satisfás ho
ida ne’e, satán folin mina ne’ebé daudaun ne’e sa’e. “Ami halo asaun greve ida
ne’e lakon tempu, maibé tanba ami halo serbisu laiha benefísiu di’ak mai ami
entaun ami halo”.
Ho ida ne’e, motorista sira husu
ba DNTT atu foti desizaun séria ruma maski antes ne’e fó sai ona lista presu ba
pasajeiru sira.
“Regulamentu ne’e sira halo, mas
iha terrenu ne’e pasajeiru sira halo tuir sira-nia hakarak. Ami labele obriga,
sira fó mai ami simu, mas la tuir tarefa ne’ebé iha ami la satisfeita tanba
obriga mós sira iha asaun ruma hasoru ami”.
Hatán ba kestaun selu la tuir
tarefa ne’e entre pasajeiru no motorista, maibé motorista mikrolete 07 ne’e hatete
parte rua ne’e regula husi instituisaun ida, se entre sira de’it maka trata ida
ne’e bainhira selu ladi’ak sei hamosu violénsia, maibé iha parte ruma mak haree
ba ida ne’e maka halo asaun greve ne’e para ministériu bele tau matan tanba sá
mak para hanesan ne’e.
“Ne’e la’ós ami mak la’o rasik,
ne’ebé ami hakarak husu sira kompetente ne’e atu haree kona-ba problema ida ne’e”.
Jornalista: Maria Auxiliadora | Editór:
Manuel Pinto
Sem comentários:
Enviar um comentário