Estadu-membru sira hosi
Komunidade Nasaun sira Lian Portugeza (CPLP) nian atribui ona, iha loron-kuarta
ne'e, prémiu ida ba sekretáriu-jeral ONU nian, António Guterres, tanba nia
"atuasaun singular" hodi defende valor sira hosi komunidade luzófonu
no lian portugeza nian.
Atribuisaun hosi Prémiu José
Aparecido de Oliveira ba António Guterres halo parte iha Deklarasaun Santa
Maria, aprovadu iha Simeira ba dala 11 hosi xefe Estadu no Governu sira CPLP
nian, ne'ebé halo iha illa Sal, iha Cabo Verde.
Sekretáriu-jeral hosi Organizasaun
ONU hetan prémiu tanba nia "atuasaun singular, ho projesaun internasional,
hodi defende no promove prinsípiu sira no valor sira CPLP nian, nune'e mós
tanba kontributu maka'as hodi promove no divulga lian portugeza.
António Guterres marka ona prezensa
iha simeira CPLP anterior ne'ebé hala'o iha Brazília, iha fulan-Novembru 2016.
Iha momentu ne'ebá, antigu
primeiru-ministru portugés sai nu'udar prezidente-eleitu ONU nian, kargu ne'ebé
maka nia asumi iha loron 01 Janeiru iha tinan 2017.
SAPO TL ho Lusa
Sem comentários:
Enviar um comentário