DILI, (TATOLI) - Xefe Estadu
Maiór FALINTIL-Forsa Defeza Timor-Leste (F-FDTL), Majór Jenerál Lere Anan
Timur, apela ba lider istóriku sira atu tau an hanesan aman ba nasaun, katak,
labele defende de’it partidu ida no ema ida.
“Aman ba nasaun, signifika katak
ha’u biar partidu ida nia boot, maibé partidu hotu-hotu ha’u nian,” nia fó
hanoin kestaun ne’e hafoin hala’o enkontru ho Prezidente-Repúblika, Francisco
Guterres Lú Olo, iha Palásiu Prezidente Nicolau Lobato, Bairru Pité, Dili,
Kuarta ne’e, relasiona ho impase polítika iha rai laran.
Nia fiar katak povu tau konfiansa
tomak ba lider istóriku sira ne’ebé uluk harii nasaun ida ne’e atu rezolve
impase polítika.
“Ha’u husu ba ita nia lider sira
atu tuur hamutuk ba povu nia di’ak, liu-liu ba ita nia maluk sira ne’ebé uluk
terus, balun mate tiha ona no balun hela feen de’it maka sei moris hamutuk ho
oan kiak sira,” Lere sujere.
“Ita nu’udar gerrilleiru, maluk
barak maka mate tanba de’it ita. Ne’e duni, ita tenke iha sentimentu,” nia
husu.
Jornalista: Xisto Freitas | Editór:
Manuel Pinto
Imajen: Xefe Estadu Maiór
FALINTIL-Forsa Defeza Timor-Leste (F-FDTL), Majór Jenerál Lere Anan Timur.Foto
António Goncalves
Sem comentários:
Enviar um comentário