Posibilidade Timor Oan Sei Estudu Iha Universidade Amerika

DILI – Iha tinan nee posibilidade Timor oan balu sei ba halao sira nia estudu iha universidade Amerika, hodi aumenta kapasidade iha area oin-oin.

Informasaun nee fo sai husi Ministru Negosiu Estranjeiru no Koperasaun (MNEK), Hernani Coelho, ba jornalista sira iha ninia servisu fatin, Pantai Kelapa Kinta (28/01/2016) wainhira remata halao enkontru ho Embaisadora Amerika Karen Staton.

Iha inkontru nee ami halo avaliasaun konaba saida mak rai rua nee halo ona iha 2015 no sei hatutan ba 2016 no iha tinan ida nee mos posibilidade para atu hare universidade Amerika balu bele fo fatin ba Timor oan sira atu ba eskola,” dehan Hernani.

Nia hatutan ho programa nee bele loke dalan ba joventude Timor oan sira no ida nee hanesan programa foun. Laos nee deit Hernani hatutan koalia mos konaba sei hari konstruksaun ba Embaisada Amerika iha TL hodi kontribui ba mudansa sidade Dili.

Iha fatin hanesan Embaisadora Amerika mai Timor Leste, Karen Staton, liu husi enkontru nee hatete Amerika kontinua suporta atu ajuda, hodi bele suporta Timor Leste dezenvolve rai rua nee liu-liu Timor Leste iha future. Informasaun kompletu iha STL jornal no STL Web, edisaun Sesta (29/1/2016). Thomas Sanches

Suara Timor Lorosae