Japaun hatete katak Koreia do Norte prepara teste foun ho míssil ba longualkanse

Koreia do Norte prepara ona teste foun ida  ho míssil ba longualkanse hafoin iha  teste nuclear haat foin lailais ne’e, tuir fonte Governu  japonés ba ajénsia Kyodo iha ohin.

Servisu intelijénsia japones nian deteta intensifikasaun ida ba atividade iha loron hirak ikus ne’e ne’ebé iha instalasaun lansamentu Dongchang-ri,  nordeste península korea nian, liu hosi  imajen satellite, esplika fonte ne’ebé sita hosi ajénsia notísia nian.

Bazeia  ba indísiu hirak ne’e, servisu intelijésia japones fiar katak lansamentu bele hala’o semana oin mai, bainhira nasaun sira hosi Konsellu  Seguransa Nasoin Unidas reune hamutuk hodi foti sansaun adisionál ba Pyongyang tamba halo teste nukleár ne’ebé realiza tiha ona iha inísiu fulan ida ne’e.

Iha lansamentu ikus ho tipu hanesan  akontese iha 2012, bainhira rejime norte-koreanu konsege tau órbita satellite ida ho nia míssil ba longualkanse Unha-3, ne’ebé maka halo komunidade internasionál konsidera hanesan parte ida hosi nia programa dezenvolvimentu mísseil balístiku interkontinentál no hodi halo nia simu sansaun foun hosi ONU.

Iha kuarta-feira, Xina no Estadus Unidus Amérika konkorda ona kona-ba nesesidade impulsiona rezoluzaun foun ida iha Konsellu Seguransa ONU  kontra Koreia do Norte tamba  teste nuklear iha loron 06 fulna  janeiru ne’e.

SAPO TL Ho Lusa