GOVERNU PREPARA CRS BA PASIENTE HIV/SIDA

Sekretariu Ezekutivu Comissão Nacional de Combate HIV/ SIDA de Timor- Leste ( CNCS- TL), Daniel Malçal, informa Governu liu husi CNCS- TL estabelese ona Casa Recoperação Saude (KRS) iha Tibar ba maluk sira sofre moras HIV/SIDA ne’ebe durante ne’e hetan diskriminasaun husi familia no komunidade.

“Ita nia maluk sira ne’ebe agora dadauk sofre hela moras HIV sira kuaze 80 resin mak tama sai iha fatin CRS iha Tibar, ita nia maluk sira ne’e terus presiza ita nia karidade ita nia atensaun domin tanba ne’e sira ne’ebe hasoru diskriminasaun husi familia, komunidade lasimu sira atu bele ba iha fatin neba,”Daniel Marçal hato’o lia hirak ne’e liu husi konferensia ba Imprensa iha Sekretariadu CNCS-TL Praia dos Coqueiros Dili Kuarta (27/1/2016).

Nia hateten, maluk sira ne’ebe deskansa iha CRS ne’e iha atividae balun mak sira hala’o atu bele halakon sira nia estres.

Daniel rekomenda ba maluk sira hotu iha Timor laran tomak karik senti iha ona sintomas balun iha isin ladiak tenki lori aan ba iha fasilidade sira ne’ebe besik para konfirma lalais atu bele halo ona tratamentu iha fase HIV labele monu ba SIDA.

“ HIV kona ita nia isin lalakon ida HIV kura ho aikulit kura ho aitahan ai abut ou kontra ita nia kultura laiha HIV ne’e virus ida mak bele fila aan ba moras bele estraga ita ne’ebe ita subar to’o iha nebe mos virus ne’e lalakon ida,”dehan Daniel.car

Jornal Nacional