Hakarak Ka Lakohi Fronteira Martima TL-Australia Tenke Ejisti

DILI – Too oras nee governu Australia kontinua lakohi halo negosiasaun ho Governu Timor Leste (TL), konaba fronteira martima maibe hakarak ka lakohi fronteira martima entre pais rua nee tenke ijiste.

Deklarasaun nee fo sai husi Ministru Negosiu Estranjeiru no Koperasaun (MNEK), Hernani Coelho, ba jornalista sira iha ninia servisu fatin Pantai Kelapa, Kinta (28/01/2016).

Ita kontinua mantein ho ita nia posisaun katak hakarak ka lakohi tenke ejiste ou mau tidak mau fronteira tenke iha tanba nee ita persija tur hamutuk atu kolia linha fronteira nee too iha neebe nee ita kolia hanesan nasaun ida neebe mak soberania no kolia tuir mekanismu no regras internasional,” dehan Hernai Coelho.

Nia hatutan kada rai ou nasaun iha ninia intrese tanba nee komesa uluk kedan TL husu buat neebe mak Timor Leste nian no Timor Leste sei la husu buat neebe mak laos bajeia ba mekanismu internasional, tanba nee governu TL kontinua mantein ninia pozisaun atu koalia ho Australia hodi define lolos linha fronteira maritime.

Iha fatin ketak tuir Diretor Ezekutivu Organizasaun Non Govermental Asosiasaun HAK, Manuel Monteiro, hatete Australia tenke respeita soberania TL hodi bele halo negosiasaun konaba fronteira martima.

Nunee mos ho Peskijador Luta Hamutuk, Elio Pereira Guimaraes, hatete katak Timor Leste hanesan nasaun ida neebe mak soberania, tanba nee persija ejiji nafatin nia direitu tanba nee husu Australia atu respeita lei internasional neebe mak iha ona. Informasaun kompletu iha STL jornal no STL Web, edisaun Sesta (29/1/2016). Thomas Sanches

Suara Timor Lorosae