ESTRANJEIRU 1.418 VIOLA VISTO – 1.213 MULTA BA ESTADO

Servisu Migrasaun(SM) iha tinan 2015 hahu husi fulan Janeiru to’o Dezembru rejistu sidadaun estranjeiru hamutuk 1.418 viola vistu, husi numere refere 1.213 maka selu ona multa ba Estadu.

“Tuir estatestik ne’ebe mak ita iha hahu husi setor operasaun iha servisu migrrasaun nian husi Janeiru to’o Dezembru 2015 ema ne’ebe mak rejistu iha prosesu sektor operasaun Ita prosesa ona ema hamutuk nain 1.418 ne’ebe maka viola vistu. No nain 1.213 maka kumpri no selu ona taxa ba Estadu ho osan montante rehun $ 303, 250,” Komandante Sektor Operasaun Assistenti Inspektor, Vicente Gusmão ba Jornalista iha Vila-Verde, Kinta (28/1) horseik.

Afirma nia, dadus fulan Janeiru tinan 2016 prosesa ema hamutuk 98, husi humeiru ne’e deporta ona nain 37, no seluk sei iha hela prosesu nia laran.

“Agora iha semana kotuk ba ami halo ona prosesu abandona volotariu ba sidadaun Indonesia hamutuk 37 maka kami haruka fila ona no restu se iha prosesu nia laran, Ita hatene ona ita nia vijiñu ho nasaun Indonezía. Tanba ne’e maka ema ne’ebe maka viola vistu barak liu mai husi nasaun Vijiñu ne’e, no tuir mai Xina, Filipina no Malaysia ida rua,”esplika nia.

Nia hatutan, Migrasaun aplika multa ba sidadaun estranjeiru ne’ebe maka viola vistu tuir lei ajilio Migrasaun artigu 18 katak, ema sira ne’e be maka tama mai TL ho vistu turista nia durasaun fulan tolu deit, liu ida ne’e nia tenki sai ona husi teritoriu TL nian, se la e nia viola ona artigu 18 ne’e.

“Kazu hanesan ne’e, kazu ne’ebe mak oinseluk. Hau hanoin tenki kordena ho ministeriu relefante, tanba koalia konaba ba prostituisaun kompetensia ne’e husi Policia Nasional Investigasaun mak iha kompentensia ba ida ne’e. ami Migrasaun so haree deit ba prosedementus lei ajilo haree liu ba iha Visto deit,”akresenta nia.

Nia esplika iha lei Migrasaun No 9 2003 iha artigu 5 koalia konaba prensipiu legalidade, ida ne’e signifika katak sidadaun estranjeiru hotu-hotu iha direitu tama mai TL I iha mos direitu atu goja mos sira nia direitu. Eus

Jornal Nacional