Primeiru
Ministru (PM) Rui Maria de Araújo promete katak, Governu sei esforsu hodi
hasa’e kapasidade Servisu Nasional Intelejensia (SNI) nian, tanba sira nia
servisu importante tebes ba nasaun ida ne’e.
“Governu
servisu nafatin atu reforsa instituisaun hot-hotu iha Timor Leste nia laran,
inklui mós instituisaun intelejensia ninian,” dehan PM Rui Araújo ba jornalista
sira iha Palacio Prezidensial Aitarak Laran Dili, Kinta (28/01).
Xefe
Governu ne’e mós rekuñese katak, Governu iha dezafius barak, maibé liu husi
prosesu meteorogia sistemátika ida, Governu sei buka rezolve ida ba ida.
“Difikuldades
ne’ebé hanesan instituisaun SNI infrenta, iha mós fatin seluk, hanesan iha
edukasaun ne’ebé jestaun eskolar se fraku, no infraestrutura balu seida’uk
sufisiente,” katak Rui Araújo.
Rui
Araújo dehan, Estadu Timor Leste iha osan, maibé la konsege implementa buat
balu ne’ebé lolos tenke implementa.
“Buat
sira ne’e hotu parte husi reforsu institusionál ne’ebé ita persija halo iha
instituisaun Estadu nian tomak, i neneik ita hotu sei rezolve buat sira ne’e,”
tenik nia.
Antes
ne’e, Xefe Estadu Maior Falintil Forsa Defeza Timor Leste (F-FDTL), Maior
Jeneral Lere Anan Timor hatete katak, Servisu Nasionál Intelejensia (SNI) iha
Timor Leste ne’e fraku, mak dala barak sempre mosu akontesementu surpreza hodi
halo povu trauma. cos
Jornal
Nacional
Sem comentários:
Enviar um comentário