DILI –
Estadu Timor Leste too oras nee sei deve hela ou seidauk selu pulsa Timor
Telekom (TT) hamutuk Milliaun 9.5 dolar amerikanu.
Informasaun
nee fo sai husi Vise Ministru Finansas, Helder Lopes, ba Jornalista sira iha
Palacio do Governu Tersa (24/05/2016) wainhira remata inkontru Konsellu
Ministru.
TT
hatama pedidu ida mai iha gabinete Primeiru Ministru nomos Ministeriu Finansas
katak estadu tomak ninia dividas ba TT nee hamutuk miliaun 9.5 nee hahu iha
tinan kotuk too iha fulan Abril tinan nee, tanba nee mak Konsellu Ministru fo
ona instruksaun ba Ministeriu Finansas hodi verifika faturas sira neebe mai
husi TT nee los ga lae,” dehan Helder.
Nia
hatutan iha semana rua nia laran wainhira Ministeriu Finansas hamutuk ho ekipa
tomak halo verefikasaun ba kestaun nee, hetan kestaun balu mak persija atu
hadia husi Estadu nomos TT, tanba iha faturas balu mak halo ona pagamentus,
maibe TT kontinua haruka atu selu tanba nee husi parte Estadu persija hare
didiak.
Iha
fatin hanesan Sekretariu Estadu Konsellu Ministru, Avelino Coelho, hatete
estadu sei hare didiak dividas neebe mak mai husi Timor Telekom, atu nunee bele
hatene lolos dividas nee too nunemru Miliaun 9.5 ou la too. Informasaun
kompletu iha STL Jornal no STL Web, edisaun Kuarta (25/5/2016). Thomas
Sanches
Suara Timor Lorosae
Sem comentários:
Enviar um comentário