FRETILIN Hakarak Lori Pe. Martinho Gusmao Ba Tribunal

DILI - Bankada FRETILIN iha Uma Fukun Parlamentu Nasional (PN) hakarak lori Padre Martinho Gusmao ba Tribunal, ho rajaun Padre Martinho sempre kontra istoria FRETILIN.

Membru PN husi bankada FRETILIN Eladio Faculto liu husi sesaun plenaria hateten diak liu lori Pe. Martinho ba iha Tribunal, tamba nia sempre kestiona istoria Fretilin durante nee.

Diak liu lori Padre Martino nee ba iha Tribunal neeba, tamba ita hare nia durante nee sempre kestiona istoria Fretilin nian,” dehan deputadu Eladio, liu husi sesaun Plenaria, Tersa (24/05/2016).

Deputadu Eladio mos husu atu Pe. Martinho labele kestiona istoria Fretilin nian, tamba lori Fretilin maka nasaun nee hodi hetan ukun rasik aan. Tamba nee Pe. Martinho labele halo ensulta ba lideransa partidu Fretilin nian arbiru tun sae.

Nee duni aban bain rua ema sei konta, maka lider istoriku maun boot Xanana Gusmao, Mari Alkatiri, Lu-Olo, Lere Anan Timor, Taur Matan Ruak no seluk seluk tan, laos temi Pe. Martinho nia istoria.

Iha fatin hanesan Vise bankada Fretilin Francisco Branco husu ba Pe. Martinho atu ba hanesan sidadaun Timor ne’ebe mak involve aan iha Fretilin no nia lakoi atu estraga nia enerzia ba padre Martinho. Informasaun kompletu iha STL Jornal no STL Web, edisaun Kuarta (25/5/2016). Carme Ximenes

Suara Timor Lorosae