terça-feira, 24 de maio de 2016

Pe. Martinho Gusmao Lakomprende Situasaun Politik Rai Laran


DILI – Reprezentante Povu Iha Uma Fukun Parlamentu Nasional (PN), konsideira Padre Martinho Gusmao la komprende situasaun politik iha rai laran, tamba lideransa sira foti estetimentu, Pe.Martinho konsideira hanesan ditadura.

Xefi bankada CNRT deputadu Natalino dos Santos hatete, Padre Martinho lakomprende situasaun politika rai laran nomos lakomprende saida maka demokrasia iha Estadu de domokratika, tamba nee maka ladun apar ho situasaun sira nee, bainhira politika sira foti estetmentu nia konsideira hanesan ditadura.

Hau hakarak halo defeja de hondra ba hau nia partidu liu liu kuadrus balu neebe hetan ensultu husi karta aberta Ida husi Pe. Martinho Gusmao neebe sita ami nain hira nia naran iha karta aberta Ida nee, maibee hau hakarak hatete, Padre Martinho lakomprende situasaun politika rai laran, no mos lakomprende saida maka demokrasia iha Estadu de domokratika Ida nee, tamba Ida nee maka ladun apar ho situasaun sira nee kuandu politika sira foti etetmentu nia konsideira hanesan ditadura,” dehan deputadu Natalino, liu husi sesaun plenaria, iha PN, Dili, Segunda (23/05/2016).

Deputadu Natalino triste tebes padre Martinho temi sira nia naran, liu-liu kuadru CNRT hanesan Sekertariu Jeral Partidu CNRT Deonisio Babo, Prezidente OMP Nina Veneranda Lemos, Prezidente KP Miguel Manutelo, no nia rasik hanesan Xefi bankada CNRT, neebe  hatete katak, sira nee Pe. Martinho uluk nunka rona sira nia naran iha RENETIL ho EMPETU.

Iha fatin hanesan membru PN husi bankada FRETILIN Manuel Gaspar hatete, karta aberta neebe Pe. Martinho Gusmao hakerek dehan, FRETILIN ho CNRT iha ema mendadak kaer lametin, hakfodak mai sira radikal, sira hanesan mos milisia neebe pengaruh ho obat anjing gila neebe hemu atu ataka Padre sira iha 1999. Informasaun kompletu iha STL Jornal no STL Web, edisaun Tersa (24/5/2016). Carme Ximenes

Suara Timor Lorosae

Sem comentários: