Ministériu
Públiku timoroan investiga daudaun konta sira hosi Universidade Nasional Timor
Lorosa'e no, tanba ne'e, konvoka daudaun grupu ida ho ema na'in 24 hodi hato'o
depoimentu, hatete hosi elementu ida ne'ebé tenki halo depoimentu ba Lusa.
Fonte,
ne'ebé lakohi fó sai nia naran, esplika ona ba Lusa katak ne'e hanesan ronda
daruak hosi interogatóriu hafoin iha ronda dahuluk bolu tiha ona ema na'in 14.
"Sira
bolu ami hodi halo deklarasaun. Agora daudaun ha'u lakohi fó sai tan
informasaun", hatete hosi fonte ne'ebé ko'alia ba Lusa.
Seidauk
hatene lista kompletu hosi ema sira ne'ebé tenki halo deklarasaun karik iha
naran sira ne'ebé repete ba faze rua audisaun sira nian, maibé, tuir avansa
hosi fonte ne'ebé ko'alia ba Lusa katak ne'e iha ligasaun ho jestaun hosi UNTL
iha tinan hirak ikus ne'e.
Entre
elementu sira ne'ebé rona ona ka seidauk rona hosi Ministériu Pùbliku iha mós
reitór atuál no antigu sira, visi-reitór sira, pró-reitór sira no responsável
sira seluk hosi administrasaun UNTL nian, universidade públiku timoroan nian.
Lusa
seidauk bele hetan informasaun ka esklaresimentu adisional sira hosi Ministériu
Públiku kona-bá kazu, kontornu sira investigasaun nian ka kona-bá nia
dimensaun, seidauk hatene mós katak iha ona ema ruma maka sai hanesan arguidu
iha prosesu ne'e.
SAPO
TL ho Lusa
Sem comentários:
Enviar um comentário