Lere: “Troka Hau Tenki Diak Liu Dala 10”

DILI - Xefi Estadu Maior Jeneral F-FDTL Maijor Jeneral Lere Anan Timur deklara politika neebe agora nia halo, atu kapasita rekursu umanus, aban bainrua troka nia tenki diak liu nia dala 10, para jere institusaun F-FDTL ba futuru ho susesu.

Lia hirak nee hatoo husi, Jeneral Lere, ba Jornalista sira hafoin remata, enkontru ho Prezidente Republika Taur Matan Ruak, iha Palasiu Prezidensial, Aitarak Laran, Dili, Kuarta (08/06/2016).

Iha hau nia mantadu, politika neebe ita bele halo hodi koresponde ba ita nia realidade, liu-liu ita nia kapasitasaun rekursu umanus, se maka aban bainrua troka ami, hanesan hau dehan ida neebe troka ami la bele hanesan hau, tenki diak liu hau dala 10, ida nee maka hau hakarak,” hateten Lere.

Lere mos informa enkontru neebe nia ohin halo ho PR Taur Matan Ruak, hodi informa konaba atividade neebe sira atu halo dadaun, primeiru atividade maka agora sira halo ezersisiu konjunta ho nasaun Amerika, Japaun, Nova Zelandia, Australia, Canada ho Singapura.

Iha enkontru nee koalia mos konaba vizita neebe Ministru Defeza Japao halao mai TL, nunee mos Sekertariu Estadu Defeza Portugal sei vizita TL iha loron 14 agora. Vizita Ministru Defeza Japaun mai TL nee, tuir koopersaun teknika militar entre nasaun Japaun, Portugal ho TL.

Iha parte seluk Ativista Leon da Costa Gusmao hateten durante periodu Jeneral Lere nia mandatu programa barak maka susesu, maibe hare iha angel seluk maka la kumpri lei. Informasaun kompletu iha STL Jornal no STL Web, edisaun Kinta (9/6/2016). Joao Anibal

Suara Timor Lorosae