Portugal ho Timor, nu’udar nasaun sira ne’ebé pasífika liu hosi nasaun lian ofisiál portugés sira

Portugal iha 5.º no Timor-Leste iha 56.º hanesan nasaun ho lian ofisiál ne’ebé hetan pozisaun di’ak hosi lista 163 ba iha Índise Global Dame 2016, ne’ebé fó sai ohin, maibé lafó sai klasifikasaun hosi Kaboverde no São Tomé e Príncipe. 

Tuir estudu ne’ebé fó sai ohin no hosi Institutu ba Ekonomia no Dame, iha Sydney, aprezenta Islándia maka sai nu’udar nasaun ne’ebé pasífiku liu iha mundu no Síria maka piór – hanesan uluk – hosi estadu 163 ne’ebé hetan klasifikasaun, kobre populasaun mundiál 99,7%.

Portugal sa’e 'ranking', hosi pozisaun 14.º iha tinan kotuk, ba 5.º, tuir kedas Nova Zelándia, Áustria, Dinamarka ho Islándia, no ida ho ona progresu bot iha Europa.

Hosi nasaun ho lian ofisiál portugés seluk-seluk, Guiné Ekuatoriál okupa pozisaun 62.ª posição, tuir maka Mosambike iha postu 68.ª. Angola figura iha postu 98.º, Brasil ba iha 105.º no Guiné-Bissau iha pozisaun 116.º.

Uza indikadór 20 resin (kualitativu no kuantitativu) hodi halo lista hosi nasaun hirak ne’e – no foin maka hatama Palestina – inklui seguransa públika, violénsia polisiál, taxa omisiídiu, justisa sosiál, terorismu, participasaun iha konflitu, grau militarizasaun no gastu ho kilat.

Tuir Índise Global Dame nian, ne’ebé ba iha edisaun 10.ª, maka impkatu hosi violénsia ba iha ekonomia globál ho dolár billoens 13,6 (euros billoens 11,9), ekivale ba 13,3 hosi Produtu Internu Brutu (PIB) mundiál.

SAPO TL ho Lusa