Kazu Jogador Nain 7 Tama Ona Tribunal

DILI - Kazu jogador naturalizadu nain hitu neebe falsifika dokumentus tama ona iha Tribunal Distrital Dili.

Tuir fontes neebe la temi naran hatete, prosesu nee tama ona iha tribunal. Maibe seidauk distribui ba juiz prosesu. Depois distribui ba juiz prosesu mak foin bele marka agenda julgamentu nian.

Antes nee Prokurador Geral da Republika Jose Ximenes katak, kazu jogador naturalizadu neebe durante nee iha investigasaun MP, agora dadaun entrega ona ba iha TDD hodi halao prosesu julgamentu. Tanba prosesu investigasaun ba kazu nee hotu ona.

Arguidu nain rua mak involve iha kazu nee, nain ida fungsionariu publiku no nain ida seluk ema sivil ka FFTL nia ema ida. Neebe iha kazu nee involve arguidu nain rua deit. No prosesu nee, oras nee dadaun MP prepara atu entrega ona ba tribunal hodi prosesa ba julgamentu. Informasaun kompletu iha STL Jornal no STL Web, edisaun Kinta (9/6/2016). Domingas Gomes

Suara Timor Lorosae