TEMA TINAN 20 PRÉMIO NOBEL DA PAZ IHA TL, SIDADANIA BEM ESTAR NO PAZ

Timor Leste (TL) sei selebra Premio Nobel da Paz ba tinan 20, ne’ebé komite Nobel da Paz Oslo fó ba Bispu Dom Carlos Filipe Ximenes Belo ho Eis Prezidenti Repúblika, José Ramos Horta iha tinan 1996 ho tema, sidadania bens estar no paz.

Tanba ne’e, komisaun organizadora ba seremonia ida ne’e, hasoru malu ho Prezidenti Repúblika (PR), Taur Matan Ruak hodi informa preparasaun komisaun nian ba konferensia interansionál ne’ebé sei hala’o iha fulan oin.

Programasaun Komisaun Organizadora ba tinan 20 Premiu Nobel da Páz, Aurélio Guterres informa katak, Timor-Leste sai uma na’in ba konferensia internasionál ba tinan 20 Premiadu Nobel da Paz ida ne’e. komferensia interanasionál ne’e sei hala’o durante loron rua iha Dili.

“Serimonia tinan 20 ba Premiadu Nobel da Paz, Timor mós hetan premiu ne’e, ita espera katak, ho konferensia refere ne’ebé ninia tema prinsipál, sidadania bein estar no paz, entaun bele mós sai hanesan momentu ida ba Timor-oan sira prepara-an ba tinan 2017,”  dehan Aurelio Guterres ba jornalista sira iha Palácio Prezidénsia Aitarak Laran Dili, Segunda (26/09).

Aurelio haktuir katak, Prezidenti Repúblika Taur Matan Ruak rasik sei hola parte iha programa refere, liu-liu iha sesaun solene ne’ebé sei hala’o iha Parlamentu Nasionál.

Tanba ne’e, Prezidenti Parlamentu Nasionál, Aderito Hugo da Costa sei haruka karta ofisial ida hodi konvida Prezidenti Repúblika atu partisipa eventu refere iha uma fukun Parlamentu Nasionál.

“Ami mai atu atualiza Premiadu Nobel da Páz ba Prezidenti Repúblika, tanba preparasaun tomak ne’ebé komisaun organizadora hala’o hodi prepara konferensia ne’ebé sei hala’o durante loron rua iha Dili,” dehan Aurelio Guterres.

Nia informa, bainaka espesial ne’ebé konfirmadu ona atu mai paratisipa iha serimonia ne’e hamutuk na’in 8 hanesan,  Premiadu Nobel da Páz Ekonómia rua (2), Medisina rua (2), Teknolojia rua (2) no Ciensia Saúde.

“Prezidenti Repúblika dehan, ita Timor rai ne’ebé ki’ik, la fasil atu organiza konferensia bo’ot Premiu Nobel mai barak iha ita nia rai,” relata Aurelio.

Nia esklarese katak, programa Premiu Nobel da Paz refere sei loke abertura espesial. Tanba ne’e sei iha diskusaun painel entre Prémiu Nobel sira, depois tuir mai sei halo sistemátikas fahe ba hat (4) hanesan, sistema justisa direitus humanus, siensias teknolojia, ekonomia finansas no emprendismu, medisina i saúde.cos

Jornal Nacional