DILI
- Komisaun Eventual neebe Parlamentu kria hodi akompaina governu atu
identifika projetu emerjensia, neebe implementa iha 2013 susar atu hetan lista
projetu no kualidade, tamba laiha kontratu, verifikasaun nomos supervizasaun.
Tuir
Prezidente Komisaun Eventual akompaina projetu emerjensia Parlamentu Nasional Osorio
Florindo katak, governu aprezenta lista projetu lahanesan, Parlamentu husu
lista Projetu iha munisipiu ida governu aprezenta munisipiu seluk, tan nee
Ministeriu sira foti desizaun arbiru deit.
Ita
aprova tiha ona osan hodi selu projetu emerjensia, defisil lahalimar ita atu
selu tamba defisil ita hatene projetu nia kualidade, montante orsamentu,
defisil buka tuir tamba laiha kontratu, supervizaun no laiha verifikasaun, ita
labele fo envelope mamuk ba governu,” dehan Osorio liu husi sesaun plenaria, Segunda
(26/09/2016) iha PN.
Nia
hatete governu atu halo estrada tenki tuir planu, kuandu laiha planu mak gasta
osan ezazeradu no susar atu buka tuir projetu neebe mak implementa liu-liu
estrada iha rai laran.
Iha
fatin ketak Diretur Ejekutivu Fongtil Arseino Pereira da Silva katak orsamentu
ratifikativu Parlamentu aprova tiha ona, neebe aumenta ba Orsamentu Jeral
Estadu basik billaun 2.
Nunee
mos Ministru Obras Publiku Gastao Sousa antes nee hatete desizaun Parlamentu
Nasional no Konseilu Ministru, tenki selu projetu emerjensia liu husi orsamentu
ratifikativu. Informasaun kompletu iha STL Jornal no STL Web, edisaun Tersa
(27/9/2016). Timotio Gusmao
Suara
Timor Lorosae
Sem comentários:
Enviar um comentário