Deskonfia Sidadaun Estranjeiru Hatama Armas Ilegal Mai TL, Aplika Ona TIR

DILI – Deskonfia sidadaun estranjeira neebe maka husi nasaun Indonesia hatama Ilegalmente Kilat manu hamutuk 30 mai Timor Leste, oras nee Tribunal aplika ona Termu Identidade Rezidente (TIR).

Lia hirak nee hatoo husi segundu komandante jeral PNTL komisariu Faustino da Costa ba jornalista sira iha nia knar fatin kuartel Jeral PNTL Caicoli, Segunda (26/9/2016). Tuir Segundu komadante PNTL nee katak kazu neebe maka deskonfia sidadaun estranjeiru balun neebe maka lori armas ilegal hanesan kilat manu 30 mai iha Timor nee, polisia UPF halo kedas kapturasaun ba iha ema nee no prosesa tuir lei.

Ita nian polisia UPF Fronteira halo ona kapturasaun ba iha ema neebe maka lori ilegal armas kilat manu nian mai Timor Leste, oras nee prosesu tuir lei no Tribunal aplika ona TIR ba ema sira nee,” dehan Faustino.

Iha sorin seluk Deputadu bankada CNRT Cesar Valente ba problema neebe maka ema balun lori arma mai TL, polisia tenke hare didiak no fo intensiva ba asegurasaun fronteira, hodi nunee buat hirak neebe akontese labele akontese tan.

Iha fatin hanesan Deputadu Adriano Joao husu polisia tenke tau importansia ba iha area fronteira nian, tamba fronteira nee hanesan buat neebe maka dala barak akontese iha area fronteira, tamba nee maka tenke halo patrolia maximu iha fatin neeba, hodi kualker trasaksaun neebe maka akontese iha TL. Informasaun kompletu iha STL Jornal no STL Web, edisaun Tersa (27/9/2016). Natalino T.da Costa

Suara Timor Lorosae