LH Husu PN Halo Fiskalizasaun Ba Drainazen Iha Dili Laran

DILI - Organizasaun Naun Governamental (ONG), Luta Hamutuk (LH) kestiona drainajen iha Dili laran liu-liu iha area Farol, neebe mak lao hakdasak sein hetan atensaun husi orgaun kompetente.

Tuir Diretor Exekutivu Luta Hamutuk (LH), Mericio Akara hatete, LH sente triste tanba projetu drainajen iha Farol hahu halao iha fulan Maiu 2016, maibe too agora laiha kuadru projetu, BOQ, Dezeinu no kontratu no sira mos kestiona efektividade implementasaun servisu.

Husu ba Komisaun E Parlamentu Nasional hodi halo fiskalizasaun ba iha projetu nee, hodi hatene lolos problema mak mosu oha tereinu,” dehan Diretor Exekutivu LH ba jornalista sira liu husi konferensia imprensa neebe mak halao iha edifisiu LH, Farol-Dili, Tersa (28/09/2016).

Mericio haktuir, sira lamenta tebes ba hahalok nee tanba servisu laseriu loron ida servisu fulan ida para fulan tebes tanba hetan impaktu negative husi implementasaun projetu nee. Tanba nee sira husu MOPTK hodi tau atensaun as, nunee labele hamosu trafiku, maibe haree ba realidade agora kondisaun at tebes, kompania Ida mai sobu no sein responsabilidade too agora parte MOPTK, PN, ADN tau matan ba kondisaun nee.

Iha fatin seluk, Deputada Albina Marçal Freitas husi Komisaun E Parlamentu Nasional trata asuntu Infraestrutura katak, Komisaun E neebe mak haree liu ba asuntu infraestrutura nian, durante sira nia fiskalizasaun kuaze iha munisipiu tomak inklui mos iha Dili laran sempre iha problema. Informasaun kompletu iha STL Jornal no STL Web, edisaun Kuarta (28/9/2016). Raimundo S. Fraga

Suara Timor Lorosae