DILI,
(ANTIL) - Deputadu Arão Noe bolu atensaun katak, ohin loron aimoruk droga
dezenvolve maka’as iha mundu, tanba atinji ona espesies droga atus rua
resin mak serkula iha mundu. parlamentu Nasional halo hela
diskusaun ba lei droga nian.
“Ita
tenki buka enkuadra hotu, para nune’e ita proive,” Arão Noel informa ba ANTIL antes
partisipa plenaria diskusaun relatoriu pareser ba proposta lei droga, ne’ebé
Governu submete ba Parlamentu Nasionál (PN).
Arão
dehan, iha esbosu lei ne’e, Governu hola referensia lei droga husi Macau,
Xina. Haree ba lei husi Maucau ne’e, Parlamentu observa
balun kontiudu balun ultrapasadu tiha ona. Tanba ne’e, presiza iha artigu balun
atu harmoniza ho konvensaun Internasionál sira-ne’ebé ita ratifika, liu-liu
konvensaun Palermo.
“Iha
esbosu Lejislasaun ne’e, governu fó la kriminaliza espesies droga
foun. Tanba ne’e, ami husu atu harmoniza ho situasaun atual,” Arão Noel
dehan.
Rekomendasaun
seluk hosi PN, tuir Arão, presiza tau atensaun ba aimoruk sira
ne’ebé uza iha óspital. Atu nune’e aplikasaun lei labele soke fali
servisu óspital nian.
Nune’e
mós kona-ba pena , PN konsidera estandarte ne’ebé governu fó la todan,
nune’e PN sujere atu hasa’e aumenta durasaun tinan ba kastigu.
“Pena
iha lamentasaun hodi dehan ita nia kmaan liu kompara ho nasaun seluk. Ami
sujere atu aplika ne masimun ne’e tenki hetan kastigu kadeia tinan 30 ,”
Arão Noel hateten. Ida-ne’e, atu la bele halo Timor-Leste sai fatin trafiku
droga no sai trazitu merkadu dorga ba ka mai husi Indonezia. (Jornalista:
Manuel Pinto/Editór: Otelio Ote)
Sem comentários:
Enviar um comentário