Diretur
Ezekutivu Judicial System Monitoring Program (JSMP), Luis Sampaio hatete katak,
eis Ministra Finansas (MF), Emilia Pires livre husi justisa, tanba previléjiu
no kargu polítika ne’ebé mak agora dadauk nia kaer hela.
“Kazu
Emilia Pires ne’e, akontese tanba previléjiu ne’ebé mak sira iha, sira iha
pasaporte dupla sidadania, sira mós aproveita previlejiu seluk hanesan, sé kaer
ka lidera hela kargu públiku sira,” dehan Luis Sampaio ba jornalista sira iha
Palácio Prezidensial Repúblika Aitarak Laran Díli, Sábadu (10/12), hafoin
partisipa iha komemorasaun loron internasionál direitus humanus.
Nia
hatutan, sira uza kargu sira ne’e atu hases-an husi prosesu ne’ebé mak iha,
li-liu justisa.
“Ita
atu du’un kulpa ba sé, ba JSMP nia hanoin katak, tuir loloos, tribunál ho
Ministériu Públika halo analiza situasionál ba kazu ne’e rasik, atu haree buat
sira ne’ebé sai hanesan previléjiu hodi sai hanesan impedementu ida ba prosesu
ne’e, tanba momentu ne’e, tribunal ho Ministériu Públiku mak uza sira nia
kompeténsia didi’ak karik, ida ne’e la akontese,” katak Luis Sampaio.
Nia
esplika, lei mós fó dalan atu uza medida kuasaun ne’ebé mak apropriadu, i kazu
ne’e Ministériu Públiku ho tribunal tenki analiza situasaun ne’e didi’ak, ikus
mai implika arguida uza previlezu sira ne’e, atu ses aan husi prosesu ne’ebé
mak la’o hela.
Luis
Sampaio relata, lei la fó dalan atu lori kazu ne’e ba julga fali iha
Portugal, ko’alia konaba lei ne’e, nasaun ida-ida nian.
Nia
haktuir, ko’alia konaba prinsipiu kompetensia juridisional tribunal sira
nian, Emilia nia kazu ne’e, sei labele halo julgamentu iha nasaun seluk.
“Ital
abele kaptura Emilia Pires, tanba ita laiha kooperasaun judicial konaba
extradisaun ninian, ita iha lei konaba kooperasaun juridisiáriu, mas la ko’alia
espesifikamente konaba extradisaun nian, tanba ne’e, difisil los ba judicial
Timor Leste atu sai to’o ba rai liur, kuandu nia tama fali iha Timor, ita nia
autoridade sira iha kbi’it atu kaer nia,” afirma Luis Sampaio.cos
Jornal
Nacional
Sem comentários:
Enviar um comentário