TAIS SEI SAI FARDA BA FUNSIONARIU PUBLIKU

Komisaun Funsaun Publiku hasai regulamentu katak, funsionariu publiku sei hatais farda ne’ebe halo ho tais Timor. Regulamentu refere, aprova tiha ona iha Konsellu  Ministrus  (KM) ne’ebe hein implementa deit.

Prezidente  Parlamentu  Nasional  (PN)  Aderito  Hugo informa, espera Governu ho Komisaun  Funsaun  Públiku  bele  koopera  ho  kompanhia  Raya  Tex  ho  sira  seluk  ne’ebé  mak  halo  industria  kreatividade  suku  tais  original  Timor  nian  ba  faru, bluza, saia, kalsa, kazaku no  vistidu  tuir  motivu  ne’ebé  mak  sira  hakarak.

“Hau  hakarak  hatete  katak,  Komisaun  Funsaun  Públiku  iha  ona  dezeñu  programa  ida  katak, iha  ona  posibilidade  atu  iha  uniforma  ba  iha  funsaun  públiku  ne’ebé  que  bele  ona  uza  tais  ba  servisu  loron  2  ou  3  iha  semana  ida  nia  laran, tamba  ne’e  komisaun  funsaun  públiku  halo  ona  regulamentu  ba  ne’e,  ita  hein  ninia  implementasaun,” hato’o Prezidente  Parlamentu  Nasional  (PN)  Aderito  Hugo  ba  Jornalista  sira  iha  Centru  Convenções  de  Dili  (CCD), Sabadu  (10/12). Hafoin  partisipa  serimonia  fashion  show  ho  modelu  tais  Timor  Leste.

Nia hatutan, industria  kreatividade  tais  ne’e  iha  mundu  modernu  kontribui  makas  ba  dezenvolvimentu  ekonomiku  rai  laran  ninia, tamba  ne’e  industria  ne’e  mak  iha   Timor  barak  liu  tan  sei  bele  kontribui   makas  ba  ekonomia  dezenvolvimentu  Timor  ninia.

Nia sente  industria  kreatividade  tais  original  ne’ebe  mak  halo  ba  roupa  ne’e  fornese  no  ninia  merkadu  iha  ona.

“Ami  nia  funsionáriu  iha  Parlamentu  Nasional  komesa  iha  ona  uniforma  ida  ne’ebé  que  ho  motivu  tais  ninia  mas  ita  tenki  hare  tan  formatu  ne’ebé  mak  bele  identik  ho  uniforma  ba  funsionáriu  parlamentu  ninia  ho  ministeriu  seluk  la  hanesan  ,maske  nafatin  material  tais  ,maibé  motivu  ne’e  tenkiser  ida-idak  hili,”tenik nia.

Nia fo  ezemplu, atu  hili  tais  ho  motivu  tais  husi  munisipiu  13, maibé  ne’e  depende  ba  identidade  ida-idak  ninia  hare, maibé  nia  sente  tenki  ho  formatu  ida  atu  fó  espasu  ba  motiva  tais  iha  teritóriu  laran  tomak. Tamba  tais  iha  Timor  Leste  la  hanesan,tamba  motivu  tais  husi  munisipiu  ida-idak  la  hanesan  ho  ninia  karakteriska.

Nia mos apresia  ba  setór  privadu  sira  ne’ebé  tama  iha  industria  kreativu  liu-liu  halo  diversifiksaun  ba  tais  Timor  ninia  ho  uniforma.

“Ita  apresia  tebes-tebes  ba  setór  privadu  ne’ebé  komesa  tama  ona  iha  industria  kreativu  liu-liu  atu  halo  diversifikasaun  ba  tais  Timor  ninia  ho  uniforma,”nia apresia.

Iha  fatin  hanesan  espoza  Raul  Lemos, Krisdayanti sei  servisu  makas  hodi  hamutuk  ho  designer  sira  hodi  suku  tais  ne’e  ho  modelu  oi-oin.

Ba nia, tais  original  Timor  nian  iha  kualidade  ida  ne’ebé  mak  kapas, tamba  ne’e  nia  sei  hamutuk  feto  Timor  Leste  hodi  promove  tais  Timor  hodi  hatudu  ba  mundu  internasional  katak, tais  Timor  mós  bele  halo  ba  roupa  feto  no  mane  nian  ho  modelu  no  karakteristika  oi-oin.Tos

Jornal Nacional