ATAÚRU
- Profesór Luis da Cruz Silva, ne’ebé hanorin estudante terseiru síkulu iha
ensinu báziku filial Beloi, durante tinan barak utiliza haris fatin sai hanesan
kuartu hodi hela.
“Ha’u
hela iha uma ne’e durante tinan lima (5) nia laran ona. Desde tinan 2011 to’o
ohin loron. Uma ne’e iha haris fatin tolu (3), maibé tanba espasu laiha hodi
ha’u hela, entaun ha’u baku rahun tiha haris fatin tolu ne’e halo ba kuartu
hodi bele hela,” nia informa ba jornalista sira iha Portu Ataúru, Sábadu
(10/12).
Nia
hatutan, diretór ensinu báziku sentrál Bikeli ba to’o duni eskola Beloi,
maibé la to’o uma ne’ebé mestre ne’e hela ba. Osan ne’ebé sira fahe mós dehan
segredu ba sira nain ha’at (4), maibé ikus mai mestre ne’e rona katak osan ne’e
hamutuk U$1000 resin. Depois koa tan 25% ba sentru ensinu báziku sentral
Bikeli. Entaun agora hela U$ 774. Osan sira ne’e atu uza ba nesesidade eskola
nian hanesan reabilitasaun, sosa livrus no seluk tan.
“Sira
mai iha ne’e, maibé iha de’it kantorhodi fahe osan konstrusaun eskolár.
La’ós mai haree direitamente uma ida ha’u hela ba ne’e. So inspetór eskola mak
ba to’o uma hodi haruka ha’u foti metru. Ami na’in rua sukat uma laran ne’e.
Ha’u hanoin nia hetan projetu ruma mak nia mai sukat uma ne’e,”nia esplika.
Nia
dehan, diretór eskola Bikeli iha tempu ne’eba lakonsege ba to’o uma ne’e, maibé
to’o de’it eskola Beloi hodi halo reuniaun ho koordenador eskola na’in tolu (3)
no fahe osan konstrusaun eskola nian. Maibé, la’ós ba haree haris fatin ne’ebé
modifika ba rezidénsia profesór nian.
Ensinu
báziku filiál Beloi ho nia alunu hamutuk 250. Eskola ne’e iha mestre hamutuk
13. Permanente hamutuk na’in 7 no kontratadu hamutuk na’in 6.
“Kondisaun
eskola ne’e di’ak, maibé rezidénsia ba profesór sira ne’e mak a’at hotu. Tanba
ida ne’e mak ha’u harahun tiha haris fatin sira iha rezidénsia ne’e hodi halo
ba kuartu atu bele toba,”nia subliña.
Tuir
nia, to’o ohin loron edukasaun nasionál seidauk halo intervensaun ruma ba
kondisaun ne’e. (oki)
Sem comentários:
Enviar um comentário