quinta-feira, 8 de junho de 2017

Governu timoroan avansa iha kombate hasoru violénsia jéneru iha nasaun

PARTILHAR
Iha semana ne'e governu timoroan aprova ona medida adisional rua hodi hametin nia kombate hasoru violénsia jéneru iha Timor-Leste, problema sosial ida ne'ebé boot no dominante liu iha nasaun.

Iha sekuénsia hosi medida sira ne'ebé adoptadu iha tinan ikus Konsellu Ministru sira aprova ona iha loron-tersa kriasaun hos Komisaun Interministerial hosi Kordenasaun ba aplikasaun no monitorizasaun hosi Planu Asaun Nasional hasoru Violénsia Bazeadu iha Jéneru 2017-2021, ne'ebé nia textu sei aprezenta ba públiku iha tempu badak.

Planu Asaun Nasional hasoru Violénsia Bazeia iha Jéneru, ba tinan 2017-2021, aprova iha fulan-Fevereiru, haree fali medida sira ne'ebé hala'o antes kona-ba asuntu ne'e, hodi buka adopta "abordajen extensu" ida ba problema.

"Investe iha prevensaun hosi violénsia ho baze iha jéneru, iha prestasaun serbisu multisetorial sira ba vítima sira no iha asesu ba justisa. Estabelese, mós, mekanizmu kordenasaun nian, hodi hametin aplikasaun efetivu ida hosi medida previstu sira, inklui monitorizasaun no avaliasaun", explika hosi Governu.


Iha tempu hanesan, Timor-Leste aprova ona asinatura hosi anexu ba Protokolu Koperasaun Tékniku ho Portugal iha asuntu ba igualdade jéneru nian, "reforsa prinsípiu sira fahe koñesimentu nian no experiénsia sira, aumenta ámbitu hosi atividade sira ne'ebé dezenvolve entre nasaun rua".

Governu kria ona iha tinan neen liubá Grupu Serbisu Interministerial Jéneru nian, Grupu sira Serbisu Nasional Jéneru nian no Grupu sira Serbisu Munisipal Jéneru nian, hodi agora buka adapta sira ba "prosesu deskonsentrasaun hosi kompeténsia sira iha munisípiu sira".

Estudu sira ne'ebé halo iha Timor-Leste hatudu katak problema violénsia jéneru afeta sistema polisial no mós justisa.

Relatóriu ida hosi Programa Monitorizasaun Sistema Judisial (JSMP) nian haree hanesan ezemplu katak tribunal timoroan sira trata la loos kazu barak violénsia seksual nian, ho prátika sira ne'ebé la proteje vítima sira no ne'ebé ignora ka interpreta ladi'ak lei.

Estudu ida seluk, hosi Asia Foundation, refere katak pelumenus 34% hosi feto timoroan sira entre tinan 15 no 49 sai hanesan vítima hosi violénsia seksual, ho 41% hosi feto sira sai hanesan vítima hosi parseiru íntimu.

Feto ida entre feto na'in haat (24%) no mane na'in rua entre mane na'in lima (45%) sai hanesan vítima hosi abuzu seksual antes halo tinan 18 no, barak liu, ema na'in tolu entre na'in haat iha Timor-Leste sai hanesan vítima hosi violénsia balun ka abuzu fíziku ruma antes halo tinan 18.

Kuaze metade hosi feto sira no 1/2 hosi mane sira admiti katak sai hanesan sasin ba sira nia inan ne'ebé hanesan vítima hosi violénsia fíziku hosi parseiru sira nia liman.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: