DILI,
(TATOLI) - Vigariu Episkopal ba Asuntu Pastorál iha Dioseze Dili, Pe.Juvito do
Rego de J. Araujo afirma, Igreja Katolika iha Timor-Leste nia pozisaun mak pro
lia-los, Igreja sei la inkliña ba Partidu A ou B, alias Abstein.
“Uma
kreda hanesan inan ida hodi hakuak ema hotu tantu partidu polítiku, igreja la inklina
ba patidu A ou B, maibé uma kreda pro lia-los, igreja pro justisa no seluk tan,
enkuantu sé mak prátika ho verdade entaun nia mak kumpre prátika no justisa,”
Pe.Juvito do Rego de J. Araujo hatete horseik iha Salaun Ministériu Negósiu
Estranjeiru no Kooperasaun (MNEC), Praios dos Coceirros.
Pe.Juvito
do Rego de J. Araujo husu ba sidadaun hotu liuliu partidu polítiku sira atu
hadook-an hosi violénsia iha Eleisaun lejislativa ne’ebé sei akontese iha 22
Jullu presiza kria unidade, páz no estabilidade atu bele halo prevene violénsia
entre partidu polítiku sira no sidadaun hotu.
Uma
kreda iha lei tolu mak importante ba ema hotu atu kumpre kuandu hakarak prevene
violénsia mak lei divina signifika hadomi ema selum hanesan o nia an rasik, lei
naturál katak ema ho uza konsiénsia moral nune’e ema kuandu halo buat ruma
sente akuzasaun mai hosi nia fuan no lei konvensionál mak polísia no tribunál,
kuandu ema halo sala ruma tenke prosesa tuir lei ne’ebé iha.
Nune’e,
igreja apela ba ema hotu tantu partidu polítiku sira hodi konsiénte katak ha’u
nia direitu remata wainhira ema seluk hahú, ha’u nia liberdade hotu kuandu ema
seluk nian komesa.
No
husu mós atu ema hotu respeita ida-idak nia an, respeita ema seluk no ambiente
ne’ebé ita hela ba.
Jornalista:
Zezito Silva | Editór: Manuel Pinto
Foto:
Pe.Juvito do Rego de J. Araujo
Sem comentários:
Enviar um comentário