DILI,
(TATOLI) – Reprezentante Nasaun Unida iha Timor-Leste, Stephen Kenny
hatete komunidade globál tenke serbisu hamutuk hodi luta kombate mudansa
klimátika nune’e atinji Objetivu Dezenvolvimentu Sustentável (ODS).
“Ha’u
hanoin komunidade globál tenke serbisu hamutuk, presiza estratéjia hodi hakat
desvantajen sira”, hateten reprezentante ne’e iha Hotel Timor hodi diriji ba
reprezentante rejiaun Ázia no Pasífika iha ámbitu lansamentu AP-FAST
(Acellerating Science and Tecnology) ne’ebé sei termina, ohin.
Tuir
nia ODS nu’udar programa ne’ebé ambisiozu tebes tanba ne’e komunidade globál
tenke serbisu hamutuk. “Uza siénsia no tekonolojia hodi traduz mudansa
klimátika, atinji Objetivu Dezenvolvimentu Sustentável”, akresenta.
Timor-Leste
nu’udar nasaun ne’ebé ho nia populasaun sei foinsa’e, ne’e oportunidade reál ida
hodi integra no uza teknolojia. “Partikularmente iha invensaun ba teknolojia no
siénsia hodi sai nasaun dezenvolvida ida”, reforsa.
Mídia
sosiál nu’udar teknolojia ida ne’ebé ativu liu. “Ita haree oinsá teknolojia
bele lori nasaun bele atinji ODS”, tenik.
Stephen
aprezenta AP-FAST bele lori Nasaun integra iha ODS no uza vantajen husi
teknolojia hodi bele sai nasaun dezenvolvida ida.
Jornalista:
Rafy Belo | Editora: Rita Almeida
Sem comentários:
Enviar um comentário