Hamutuk Xanana, Alkatiri, Taur Hadia Povu Moris Diak

DILI – Maske lider istoriku sira hanesan Xanana, Alkatiri, Taur fila kotuk ba malu hodi kritika malu iha palku politiku, maibe sira nia objetivu ida deit hadia rai no povu ida nee ba moris diak husi dalan dezenvolvimentu nasional.

Tuir Deputadu Bankada FRETILIN, Paulo Moniz Maia dehan, lider istoriku sira kritika malu nee normal tanba demokrasia mak hanorin hanesan, tanba nee jerasaun foun presiza respeita sira.

Ita respeita figura rezistensia hahu husi ita nia maun Xanana, Alkatiri, Lu-Olo, Taur, Ramos Horta, sira hamutuk hadia povu nia moris diak,” dehan Paulo ba STL iha uma fukun PN-Dili, Kuarta (07/06/2017).

Deputadu nee haktuir, lider istoriku sira nee presiza hamutuk ho sira, laos atu manan buat ruma deit, maibe fo hanoin ba sira atu oinsa dezenvolve rai no povu ida nee ho diak. Paulo salenta, moto FRETILIN mak hamutuk ita bele signifika ema boot ka ema kiik, ita presiza hamutuk, liu husi hamutuk nee mak bele lori nasaun no povu ida nee ba oin ho diak.

Iha fatin hanesan, Xefe Bankada CNRT, Natalino dos Santos dehan, los duni katak Alkatiri no Xanana sai hanesan figura importante ba rai nee no sai mos hanesan aman nasaun Timor Leste. Raimundo Sarmento Fraga

Suara Timor Lorosae